ჟოზე მოურინიოს ESPN -თან საუბრისას შეკითხვა დაუსვეს თუ რატომ უჭირდათ ინგლისურ კლუბებს ჩემპიონთა ლიგაზე წარმატების მიღწევა. პორტუგალიელმა შემდეგი პასუხი გასცა:
"ინგლისურ კლუბებს წარმატების მიღწევა გადატვირთული გრაფიკის გამო უჭირთ და ეს ნათელია. პრემიერ ლიგა არის ალბათ ყველაზე რთული ჩემპიონატი, რადგანაც აქ ყველა გუნდს შეუძლია დიდი წინააღმდეგობის გაწევა. ამასთან აქ უამრავი მატჩია, ამას თან ერთვის ლიგის თასი, რომლის ნახევარფინალებიც 2 მატჩისგან შედგება და ფინალი, რომელიც სეზონის ერთ-ერთ მთავარ სტადიაზეა."
"არსებული კალენდარი საერთოდ არ ზრუნავს და საერთოდ არ იცავს ინგლისურ კლუბებს, მას საერთოდ არ ადარდებს მატჩების ასეთი ინტენსივობა. სათასო მატჩები მე-2, მე-3, მე-4 დივიზიონის წარმომადგენლებთანაც კი ნამდვილი ბრძოლაა."
"სხვა ქვეყნებში საზამთრო არდადეგებია. წამყვანი გუნდები ასვენებენ ფეხბურთელებს და შემდეგ ეს ფეხბურთელები ჩემპიონთა ლიგის გადამწყვეტი შეხვედრებისთვის სრულ მზადყოფნაში არიან. ასეთი შესაძლებლობა აქვს ესპანეთის, იტალიის, საფრანგეთის და გერმანიის კლუბებს მაგრამ არა ინგლისელებს. სწორედ ეს არის ერთ-ერთი მთავარი თუ არა მთავარი მიზეზი იმისა, რომ ინგლისელები ჩემპიონთა ლიგაზე ნაკლებ წარმატებას აღწევენ."