"ჩელსის" რუსი მფლობელი რომან აბრამოვიჩი ნემანია მატიჩის გაშვებას დათანხმდა.
Telegraph -ის ინფორმაციით აბრამოვიჩმა ბოლოს და ბოლოს მიიღო სერბის შეძენის თაობაზე "იუნაიტედის" წინადადება და მზადაა ის კონკურენტ გუნდში გაუშვას. "იუნაიტედმა" აქამდე "პენსიონერებს" მატიჩის შეძენაზე 2 ოფიციალური წინადადებით მიმართა £35 და £40 მილიონის ფარგლებში, მაგრამ ეს შეთავაზებები უარით იქნა გასტუმრებული, საბოლოო შეთავაზება კი რომელზედაც "ჩელსიმ" თანხმობა განაცხადა £50 მილიონია.
შეგახსენებთ, რომ ნემანია მატიჩი მოურინიოს ერთ-ერთი მთავარი შენაძენი იყო მისი "ჩელსიში" ხელმძღვანელობის პერიოდში. ხშირად იწერებოდა იმის შესახებაც, რომ სერბი კარიერას იტალიაში გააგრძელებდა, მაგრამ საბოლოოდ როგორც ჩანს ტურინელები გამოეთიშნენ ბრძოლას და ნემანია კარიერას "ოლდ ტრაფორდზე" გააგრძელებს.