ჟოზე მოურინიოს წინასამატჩო პრესკონფერენცია "მანჩესტერ სიტითან" გასამართი მატჩის წინ.
ჟოზე მოურინიო "მანჩესტერ სიტისთან" გასამართი მატჩის წინ ჟურნალისტებს გაესაუბრა.
დაპირისპირება "სიტისთან"
"ჩემთვის ეს იქნება ვარჯიში, რა თქმა უნდა უფრო მაღალი მოტივაციით, რადგან შევეცდებით გავიმარჯვოთ, მაგრამ ამ მატჩში მთავარი არ არის შედეგი. ჩვენ 2 მატჩი ჩავატარეთ MLS-სის გუნდებთან, ახლა კი მომზადება უფრო სერიოზულ ფაზაში გადადის, რადგანაც ევროპის ერთ-ერთ საუკეთესო გუნდებს შევხდებით უახლოეს დღეებში. მე არ ვიცი როგორ ხვდებიან ისინი ამ შეხვედრას, სურთ თუ არა მათ ამ ტურნირის ან ამ დერბის მოგება, მე მხოლოდ ვიცი ის, რომ ჩემს ფეხბურთელებს სათამაშო დრო უნდა მივსცე. რა თქმა უნდა დერბი მოიცავს დაპირისპირების ელემენტებს, დამატებით ინგრედიენტებს, თუმცა მე არ ვაპირებ გატანილი გოლის შემდეგ სიხარულისგან ხტომას ან გაშვებული გოლის მერე ტირილს, ეს მოსამზადებელი მატჩია."
გვარდიოლასთან კარგი ურთიერთობა
"ჩვენი ურთიერთობა ჩემთვის არ არის სიურპრიზი. შეიძლება ეს თქვენთვისაა სიურპრიზი, თქვენთვის ვინც ჩვენს "დაპირისპირებას" იგონებდა. ჩვენ "ბარსელონაში" სამი წელი გავატარეთ, ერთ გასახდელს ვიყოფდით, მოგებას ერთად აღვნიშნავდით, მარცხს კი ერთად ვიზიარებდით. ამ სამი წლის განმავლობაში ჩვენ ძალზედ კარგი ურთიერთობა გვქონდა. შემდეგ ის გახდა "ბარსელონას" მწვრთნელი, მე კი "რეალის". ერთი ევროპის ერთ-ერთი საუკეთესო გუნდი იყო, მეორე კი გიგანტური პრობლემების წინაშე იდგა. ამ გუნდების დაპირისპირება ძალზედ დიდია და მათი ერთ-ერთი მთავარი მონაწილეები ჩვენც გავხდით. ინგლისში კი დარწმუნებული ვიყავით, რომ ასეთი შემთხვევა არ იქნებოდა და ეს ასეც არის. ბოდიშს გიხდით რომ თქვენ იმედგაცრუებულნი დარჩით."
შესაძლო ტრანსფერები
"პრობლემა იმაშია, რომ ჩვენ გვყავს 4 ფეხბურთელი, რომელსაც ჯერ არ შეუძლია თამაში. თუ მათ ჩავთვლით მაშინ ჩვენ გვყავს დიდი შემადგენლობა. მათი რეაბილიტაცია დიდ დროსთანაა დაკავშირებული ამიტომ ფეხბურთელების გაშვებაზე არ ვფიქრობთ. მაგალითად მარკოს როხოს შესახებ ვიცით, რომ ის დეკემბრამდე ვერანაირად შეძლებს თამაშს. მე 4 ფეხბურთელის შეძენა დავავალე ხელმძღვანელებს, მაგრამ მზად ვარ 3 ფეხბურთელის მოყვანითაც დავკმაყოფილდე, რადგანაც სასურველი ფეხბურთელის მოყვანა ძალზედ რთულია. გუნდებს სხვადასხვა მოთხოვნა აქვთ, ჩვენ არ ვართ ის გუნდი რომელიც მზადაა ნებისმიერი თანხის გადასახდელად. ამიტომ დავკმაყოფილდები 3 ფეხბურთელს, ისინი ბალანს მოგვცემენ, რითაც შეგვეძლება უფრო მეტად კონკურენტუნარებიანი გავხდეთ."
თანამედროვე სატრანსფერო ბაზარი
"მე არ მაკვირვებს ფეხბურთელებზე დახარჯული თანხები. ხშირად მითქვამს, რომ დღეს უკვე ბევრ გუნდს შეუძლია გითხრას შენ "არა" ან "გადაიხადე იმდენი რამდენიც მე მინდა, წინააღმდეგ შემთხვევაში ფეხბურთელი ჩემთან დარჩება". ამ შემთხვევაში შენ ორი გზა გრჩება, უკან გამობრუნდე ან გადაიხადო იმდენი რამდენსაც გთხოვენ. სატრანსფერო ბაზარი მომავალში ზუსტად ასეთი იქნება. გასაკვირი ჩემთვის ისაა თუ რამდენის გადახდა უწევს გუნდს კარგი ფეხბურთელის შეძენისთვის. ადრე შენ დიდი ფულის გადახდით შესანიშნავ ფეხბურთელს იძენდი, ახლა კი კარგ ფეხბურთელს იძენ. განსხვავება შესანიშნავ და კარგ ფეხბურთელს შორის დიდია. დღეს კარგ ფეხბურთელზე მართლაც არანორმალური ფასებია დაწესებული."
მორატას შესაძლო გადასვლა "ჩელსიში"
"რას აკეთებს "ჩელსი" ეს არ არის ჩემი საქმე. ჩვენ გვჭირდებოდა ზლატანი თავის საუკეთესო კონდიციებში და ფეხბურთელი, რომელიც მას შეცვლიდა. მხოლოდ ზლატანი და მარკუსი არ იყო საკმარისი. ზლატანის ტრავმის შემდეგ სიტუაცია უფრო გართულდა. საბოლოოდ ჩვენ მივიღეთ დიდი ფეხბურთელი ამ სიტყვის სრული მნიშვნელობით. ჩვენ ტოპ ფეხბურთელი შევიძინეთ და ახლა ყველაფერი მასზეა, მან უნდა აჩვენოს ყველას რაც შეუძლია. რაც შეეხება "ჩელსის", ადრე განვითარებული მოვლენების გამო (იგულისხმება დიეგო კოშტას სიტუაცია) ნათელი იყო, რომ მათ სჭირდებოდათ თავდამსხმელი."
რაშფორდის პოზიცია
"ჩემი აზრით მარკუსი არ არის "ათიანის" მოთამაშე. ის თავდასხმის მოთამაშეა, ერთადერთი ფორვარდი ან ორ ფორვარდიან ფორმაციაში ფორვარდის მეწყვილე. მან უკვე ითამაშა ზლატანთან და ახლა ის ითამაშებს ლუკაკუსთან ერთად."
წყარო:
MANUTD.COM