ჰენრიხ მხითარიანი Sky Sports -თან მიცემულ ინტერვიუში აცხადებს, რომ ახალი სეზონისთვის მზადაა.
"ყოველთვის მინდა გუნდს დავეხმარო. ვცდილობ რაც შეიძლება ბევრი გოლი გავიტანო ან რაც შეიძლება მეტი საგოლე გადაცემა გავაკეთო. მართალია ეს ყოველთვის არ გამომდის, მაგრამ ამისთვის ბევრი შრომაა საჭირო. ფეხბურთს ამიტომაც ვთამაშობ."
"ჟოზემ ყოველთვის იცის რა არის კარგი ფეხბურთელისთვის. ვარჯიშებზე ის ფეხბურთელებს ყურადღებით აკვირდება. სწორედ ამიტომ ვცდილობ მაქსიმალურად ვაჩვენო მას ჩემი მზადყოფნა თამაშისთვის."
"მანჩესტერ იუნაიტედის" ყოველი ფეხბურთელი უნდა ფლობდეს გამარჯვებულის მენტალიტეტს. როცა ამ გუნდისთვის თამაშობ შენ ყოველთვის უნდა გაიმარჯვო. აქ იმისთვის არ ვართ, რომ უბრალოდ "მანჩესტერ იუნაიტედის" ფეხბურთელები გვერქვას."
მხითარიანმა ახალ შენაძენებზეც გააკეთა კომენტარი.
"მოხარული ვარ, რომ ისინი "იუნაიტედში" ითამაშებენ. რომელუ და ვიქტორი არაჩვეულებრივი ფეხბურთელები არიან. ჩვენ მათ ადაპტირებაში ვეხმარებით. ეჭვიც არ გვეპარება რომ ისინი ჩვენ წარმატების მიღწევაში დაგვეხმარებიან."