"რეალ სოლტ ლეიქთან" გამართული მატჩის შემდეგ ჟოზე მოურინიო ჟურნალისტებს შეხვდა.

ანტონიო ვალენსიას გაძევების მომენტი

"დაჯარიმების შემდეგ მსაჯმა მთხოვა, რომ ვალენსია მოედნიდან გამეყვანა და მის ნაცვლად სხვა ფეხბურთელი შემომეყვანა, მაგრამ ვთვლიდი რომ ეს არ იყო საწითლე ჯარიმა და მის შეცვლაზე უარი განვაცხადე. სწორედ ამის შემდეგ უჩვენა მას მსაჯმა წითელი ბარათი, მაგრამ არაუშავს. ეს ამხანაგური მატჩია და კარგიცაა რომ ათი კაცით მოგვიწია მატჩის დასრულება"

ტრავმები

"მეორე ტაიმში მათ ("რეალ სოლტ ლეიქის" ფეხბურთელებმა) რამდენიმე ეპიზოდში იუხეშეს. ამან გამოიწვია მატას დაზიანება. მას კოჭის ტრავმა აქვს, ვფიქრობ რომ მის მორჩენას 1 კვირა დასჭირდება, რაც შეეხება დარმიანს არამგონია მას რაიმე სერიოზული სჭირდეს"

ლუკაკუს სადებიუტო გოლის მნიშვნელობა

"ეს გოლი ჩემთვის არ იყო მნიშნელოვანი. წინა მატჩის შემდეგაც ვთქვი, რომ მე მომწონდა მისი თამაში. ის კარგად არიგებს პასებს, ერთვება შეტევებსა თუ კონტრ-შეტევებში, კარგად იჭერს ბურთს, ირჩევს პოზიციას, მე მომწონს მისი თამაში. ეს გოლი პირადად მისთვის იქნება კარგი, მაგრამ ვიმეორებ, მე მისი თამაშით კმაყოფილი ვარ."

გეგმა შემდეგ მატჩებზე

"შემდეგ მატჩებში ვაპირებ რომ ფეხბურთელებს უკვე 60 და 30 წუთიანი სათამაშო დრო მივსცე. ჩვენ უკეთესი მეტოქეები გვეყოლება. რა თქმა უნდა "სიტი" ჩვენი პირდაპირი მოწინააღმდეგეა, "რეალი" ჩემპიონთა ლიგის გამარჯვებულია, მაგრამ ამ მატჩებში შედეგი არ არის მნიშვნელოვანი. "სიტი", "რეალი" და "ბარსა" ჩემპიონთა ლიგის გუნდები არიან და მათთან თამაშით ჩვენ კარგ პრაქტიკას მივიღებთ"

ივან პერიშიჩი

"წარმოდგენა არ მაქვს მეგობარო (ჟურნალისტს)"