Express იუწყება, რომ "მანჩესტერ იუნაიტედი" ფაბინიოს თაობაზე "მონაკოს" ახალ შეთავაზებას უახლოეს დღეებში გაუკეთებს. ინგლისელებს ფეხბურთელთან პირადი კონტრაქტის დეტალები უკვე შეთანხმებული აქვთ. ახლა მთავარი ფრანგებთან სატრანსფერო ფასზე შეთანხმებაა.
რამდენიმე დღის წინ ესპანურმა მედიამ გაავრცელა ინფორმაცია რომ ფაბინიო უკვე შეიძინა მადრიდის "ატლეტიკომ", თუმცა ეს ინფორმაცია მათ თვითონვე უარყვეს და განაცხადეს, რომ "ატლეტიკო" მხოლოდ და მხოლოდ მოლაპარაკებებს აწარმოებს "მონაკოსთან" ფაბინიოს შესაძლო შეძენის თაობაზე.
შეგახსენებთ, რომ ფაბინიო თავის ინტერვიუებში ხშირად გამოთქვამდა "იუნაიტედში" თამაშის სურვილს. მისი თქმით "იუნაიტედი" მსოფლიოს ერთ–ერთი საუკეთესო გუნდია და მათ შემოთავაზებას აუცილებლად დათანხმდებოდა კიდეც. ამასთან დავამატებთ იმასაც, რომ მადრიდის "რეალში" მისი დებიუტი სწორედ ჟოზე მოურინიოს ხელმძღვანელობით შედგა.