"მანჩესტერ იუნაიტედის" ბანაკში ეიმედებათ, რომ 24 წლის ალვარო მორატას ტრანსფერის ამბავი კვირის ბოლომდე, ანუ იქამდე მოგვარდება, სანამ "წითელი ეშმაკები" ამერიკის შეერთებულ შტატებში ტურნეზე გაემგზავრებიან.
ის, რომ "იუნაიტედს" ეჩქარება, "რეალს" შანსს აძლევს, დავიდ დე ხეასთვის კიდევ ერთხელ და საფუძვლიანად გაიბრძოლოს. 26 წლის მეკარეს "სამეფო გუნდი" ვერ ივიწყებს და შეეცდება, მორატას ამბავი გამოიყენოს.
მადრიდის "რეალის" ვარსკვლავის გარდა, "ოლდ ტრაფორდის" ბინადრები "ბარსელონას" სუპერვარსკვლავის, ნეიმარის დამატებაზეც არ იტყვიან უარს. ინგლისური ჟურნალ-გაზეთების ინფორმაციით, "იუნაიტედი" და "პარი სენ-ჟერმენი" მზად არიან, ბრაზილიელის გამოსასყიდი თანხა 175 მილიონი გირვანქა (200 მილიონი ევრო) გადაიხადონ, თუ ნეიმარი "კამპ ნოუს" დატოვებას გადაწყვეტს.
აქვე ვთქვათ, რომ "მანჩესტერ იუნაიტედს", კონკრეტულად კი, მათ მთავარ მწვრთნელ ჟოზე მოურინიოს მარკ ბარტრას დამატება სურს. 26 წლის ესპანელში, რომელიც ამჟამად გერმანულ "დორტმუნდში" ბურთაობს, პორტუგალიელი სპეციალისტი დიდი თანხის გადახდისთვისაა მზად.