ახალგაზრდა ადნან იანუზაი უკვე "მანჩესტერ იუნაიტედის" გეგმებში დიდი ხანია აღარ შედის, შესაბამისად ის ტოვებს "წითელ ეშმაკებს" და დიდი ალბათობით £9.7 მილიონად ესპანურ "სოსიედადს" შეუერთდება.

ადნანს ჟოზეს კლუბთან კიდევ 1 წლიანი კონტრაქტი აკავშირებს, მაგრამ პორტუგალიელს როგორც ჩანს მტკიცედ აქვს გადაწყვეტილი ბელგიელის გაშვება. გასულ სეზონში კი როგორც მოგეხსენებათ დევიდ მოიესის "სანდერლენდში" იყო განათხოვრებული, მანამდე კი "დორტმუნდის" შემადგენლობაში გამოდიოდა.

პრესის ინფორმაციით ადნან იანუზაის მხოლოდ ესპანეთიდან არ ყოლია მსურველები, მისით იტალიური "რომა" ინტერესდებოდა France Football–ის განცხადებით, მაგრამ ბელგიელმა "სოსიედადი" არჩია.

იანუზაი თავის ინტერვიუში იმედს გამოთქვამს, რომ რამდენიმე რთული სეზონის შემდეგ კვლავ ითამაშებს იმ ფეხბურთს რომელსაც რამდენიმე წლის უკან თამაშობდა.

შეგახსენებთ, რომ "რეალ სოსიედადს" მისი ტრანსფერი £9.7 მილიონი დაუჯდება.

წყარო: Metro