ჩიჩარიტო:"ყველამ უნდა იცოდეს, რომ ჩვენ ტრებლის პრეტენდენტები ვართ"
"ფულჰემთან" მატჩში გაფორმებული დუბლის შემდეგ, ჩიჩარიტო შეუერთდა თანაგუნდელებისა და მწვრთნელის აზრს, რომ კლუბს შესწევს იმის ძალა იმდენი ტიტული მოიგოს, რამდენ ტურნირზეც მონაწილეობს...
მექსიკელმა ფორვარდამ იმის იმედი გამოთქვა, რომ კლუბი სეზონის ბოლოს შეძლებს ინგლისის თასის მოგებას:"ვერ გეტყვით, რომ გოლები ადვილად გავიტანე. პატივს ვცემ "ფულჰემს". ყველა გოლი, რომელიც ამ თამაშში გავიტანეთ, თითოული ფეხბურთლის მუშაობის დამსახურებაა. მიხარია, რომ ოთხი ბურთი გავიტანეთ და კიდევ მივუახლოვდით ინგლისის თასს. ყველამ უნდა იცოდეს, რომ რამდენ ტურნირზეც ვიღებთ მონაწილეობას, იმდენივე ტიტულის მოპოვების ძალა შეგვწევს." – განაცხადა ჩიჩარიტომ manutd.com–თან.
"თითქმის ათი წელი გავიდა, რაც ეს ტიტული აღარ მოგვიპოვებია. სერ ალექსს და კლუბის მოთამაშეებს ძალიან გვინდა მოგება. ჩენ ინგლისის თასის მოგება გვწყურია. მაგრამ ამასთან ერთად, არ უნდა დავივიწყოთ პრემიერ ლიგა და ჩემპიონთა ლიგა. ყველაზე მთავარი ჩვენთვის გამარჯვებების გაგრძელებაა. ჩვენ გავედით შემდეგ ეტაპზე, ახლა კი "მადრიდის რეალს: ველოდებით. ჩვენ არც თუ ისე ცუდი კალენდარი გვაქვს და სულ მოუთმენლად ველით ამ მატჩებს.
"ძალიან გვინდა ამ სამ ტურნირში, გამარჯვების მოპოვება. ჩვენს გონებაში ის დევს, რომ უნდა გავაგრძელოთ გამარჯვებების მოპოვება, რის შედეგადაც ტიტული მოვა."
ერთ–ერთი გოლის შემდეგ, "ფულჰემის" კარში, ჩიჩარიტომ ის ცეკვით აღნიშნა. შემდეგ, კი მან განაცხადა, რომ ეს თავისი მეგობრისთვის გააკეთა, რომელიც ერთ–ერთ ტრიბუნაზე იჯდა: "იმის შემდეგ, რაც გოლი გავიტანე, არბიტრთან მომიწია ლაპარაკი. ერთი გოლი არ ჩმითვალეს "ასტონ ვილასთან" მატჩში და არ მინდოდა ეს განმეორებულიყო. მინდოდა, რომ ჰეთ–თრიკი გამეფრომებინა, მაგრამ ვერ მოვახერხე, საბოლოოდ კი ჩემმა გუნდმა მოიგო – რითაც ძალიან ბედნიერი ვარ."
"ჩემი საუკეთესო მეგობარი, ტრიბუნებზე იმყოფებოდა. ჩვენ ერთად ვთამაშობდით და სწორედ ამიტომ გადავწყვიტე ასე გოლის აღნიშვნა. ის ჩემთან სტუმრად იყო და მეც ამ ცეკვით დავხვდი."