16 ივნისის ყველაზე მნიშვნელოვანი სიახლეები შემდეგნაირად გამოიყურება:

დღევანდელი რუბრიკა უმეტესად კრიშტიანო რონალდოს თემას დაეთმობა. შევეცდები მაქსიმალურად მოგაწოდოთ ყველაზე საინტერესო და სანდო ინფორმაციები.

1. კრიშტიანო რონალდო

"კრიშტიანო რონალდოს მადრიდის "რეალის" დატოვება სურს" - მსოფლიო მედია დღეს მხოლოდ ამ თემის ირგვლივ საუბრობს. ერთბაშად რამდენიმე სანდო გამოცემა იუწყება, რომ პორტუგალიელს მართლაც სურს მადრიდის დატოვება. დატოვების მიზეზად სასამართლოს გადაწყვეტილება სახელდება, რომლის თანახმადაც რონალდოს გადასახდელების გადაუხდელობაში სდებენ ბრალს. ესპანეთის საგადასახადო უწყებები ფეხბურთელს 14.7 მილიონი ევროს გადასახადების დამალვაში ედავებიან.

BBC,Sky Sports, დიდი ბრიტანეთის ორი "მონსტრი" ადასტურებენ იმ ფაქტს, რომ რონალდოს მართლაც სურს "რეალის" დატოვება. ამას ემატება ყველაზე სანდო ესპანური გამოცემების, As და Marca -ს დასტურიც.

Sky Sports -ის ჟურნალისტის, კავე სოლჰეკოლის თანახმად პორტუგალიელს მადრიდულ კლუბთან კონტრაქტი 2021 წლამდე აკავშირებს, ხოლო მისი გამოსასყიდი თანხა £880 მილიონს შეადგენს. კვირის ანაზღაურება £400,000 უდრის. ამასთან 2015-ში ფეხბურთელის აგენტმა განაცხადა, რომ რონალდოს შეძენა £300 მილიონი დაჯდებოდა.

BBC -ის ჟურნალისტი დან როუნი ეთანხმება Sky Sports -ის მონაცემებს. გამოსასყიდ თანხად ისიც £880 მილიონს ასახელებს. მისივე თქმით რონალდოსთან დაახლოებულმა ადამიანებმა მას შეატყობინეს, რომ კრიშტიანო გაბრაზებული და ნაწყენია იმ სიტუაციით, რაც მის გარშემო ხდება. მას აღარ სურს ესპანეთში დარჩენა.

ესპანური As -ის ჟურნალისტი,ტომას რონსერო კი იტყობინება, რომ კრიშტიანომ გუნდის დატოვების სურვილი ჯერ კიდევ ჩემპიონთა ლიგის ფინალამდე გამოთქვა.

Sky Sports -ის ყველაზე სანდო ჟურნალისტი ესპანეთში, გილემ ბალაგე კი საკუთარ Twitter -ზე წერს, რომ წინ დიდი ზაფხული გველის, რადგანაც რონალდოს გადაწყვეტილი აქვს მადრიდის დატოვება.

beIN Sports -ის ჟურნალისტი რიჩარდ კეიზიც იმავეს აცხადებს და ამბობს, რომ ბრძოლა რონალდოსთვის დაიწყო, რადგან ის აუცილებლად დატოვებს მადრიდს.

Marca -ს ინფორმაციით რონალდომ პორტუგალიელ თანაგუნდელებს შემდეგი სიტყვები უთხრა: "მე ვტოვებ მადრიდს, გამორიცხულია გადაწყვეტილების შეცვლა."

კომენტარის გაკეთება ამ თემაზე "რეალის" ყოფილ პრეზიდენტსაც თხოვეს: "რა თქმა უნდა ურთიერთობა მოურინიოსა და რონალდოს შორის არ იყო საუკეთესო, მაგრამ ეს არანაირ ზეგავლენას არ იქონიებს მის დაბრუნებაზე. მას უყვარს მანჩესტერი, მას უყვარს გულშემატკივრები, სწორედ ამიტომ არ გამოვრიცხავ, რომ მან სახლში დაბრუნება გადაწყვიტოს"

ასე გამოეხმაურა რონალდოს შესაძლო დაბრუნებას რიო ფერდინანდი



რამდენიმე თვის წინ კრიშტიანომ შემდეგი სიტყვები წარმოთქვა: "მე მიყვარს მანჩესტერი, აქ საოცარი გულშემატკივარია, ისინი არასდროს მისტვენდნენ და ვისურვებდი, რომ ერთ დღესაც მე დაბრუნება შევძლო."

სავარაუდოდ კარიერის გაგრძელებას რონალდოს "იუნაიტედში", ჩინეთში, "პსჟ" -ში ან MLS -ში უწინასწარმეტყველებენ.

რა არის ეს, ჭორი თუ სიმართლე, მალე გავიგებთ. უახლოეს ცნობებს კი ჩვენი საიტი მაქსიმალურად მცირე დროში მოგაწვდით.

2. ერიკ დაიერი

The Telegraph-ის თანახმად "იუნაიტედმა" "ტოტენჰემს" ერიკ დაიერის თაობაზე 50 მილიონიანი შეთავაზება გაუკეთა.

3. ანტუან გრიზმანი

Don Balon -ის მტკიცებით "ატლეტიკო" მადრიდი ანტუან გრიზმანს "მანჩესტერ იუნაიტედში" მომავალ ზაფხულში გაყიდის.

4. ტიმო ბაკაიოკო

L'equipe -ის თანახმად ტიმო ბაკაიკო "იუნაიტედში" აღარ გადავა, რადგანაც ამ უკანასკნელმა "ჩელსი" აირჩია.

5. ალვარო მორატა

ესპანური As -ის განცხადებით ალვარო მორატას ტრანსფერის დადასტურება მხოლოდ დროის ამბავია. 4 წლის განმავლობაში ესპანელი £48 მილიონს გამოიმუშავებს.