15 ივნისის ყველაზე მნიშვნელოვანი სიახლეები შემდეგნაირად გამოიყურება:

1. დე ხეა რჩება ?

დავიდ დე ხეა დიდი ალბათობით "იუნაიტედში" დიდი ხნით დარჩება. ამის მიზეზი კი ის გახლავთ, რომ ჯიჯიო დონარუმამ "მილანთან" კონტრაქტის გახანრგძლივებაზე უარი თქვა. ეს იმას ნიშნავს, რომ იტალიელი მილანს ან ამ ზაფხულში დატოვებს, ან "მილანს" გაისად მისი გაშვება უფასოდ მოუწევს. ესპანური მედია იტყობინება, რომ ახალგაზრდა იტალიელის მომავალი კლუბი მადრიდის "რეალია".

2. ალვარო მორატა

ალვარო მორატა "იუნაიტედს" პირად კონტრაქტზე შეუთანხმდა. როგორც Sky Italia იტყობინება, ტრანსფერის დაყოვნების მიზეზი მადრიდის "რეალია". გუნდები კვლავ ვერ შეთანხმდნენ იმ თანხაზე, რომლის სანაცვლოდაც მორატა "იუნაიტედში" გადაბარგდება. მადრიდელები ესპანელში £80 მილიონს ითხოვენ, რაზედაც ინგლისელები უარს აცხადებენ. მოლაპარაკებები გრძელდება.

3. ბეილი რჩება

ევროპული პრესის თანახმად, გარეტ ბეილი მომავალ სეზონშიც მადრიდის "რეალის" ფეხბურთელი იქნება. ბეილს გუნდის დატოვების არანაირი სურვილი არ გამოუთქვამს, მას "რეალში" დარჩენა კონტრაქტის ამოწურვამდე სურს.

4. ივან პერიშიჩი

BBC -ის თანახმად "მანჩესტერ იუნაიტედმა" მილანის "ინტერს" ოფიციალური შეთავაზება გაუკეთა, თუმცა ეს უკანასკნელი იტალიელებმა უარით გაისტუმრეს. მილანელები ხორვატს £44 მილიონად აფასებენ, ინგლისელებს კი მისი შეძენა £35 მილიონად სურთ.

5. ფაბინიო

იმავე BBC -ის თანახმად "მანჩესტერ იუნაიტედი" არასდროს ყოფილა დაინტერესებული ფაბინიოს შეძენით. ბრაზილიელის "ოლდ ტრაფორდზე" გადმობარგება გამორიცხულია. შეგახსენებთ, რომ ფაბინიოს შესაძლო ტრანსფერი "იუნაიტედში" M.E.N -მაც გამორიცხა. როგორც ჩანს მოურინიო ბრაზილიელით მართლაც არაა დაინტერესებული. მას ერიკ დაიერის ან ნემანია მატიჩის მოყვანა აქვს ჩაფიქრებული.

6. ადნან იანუზაი

ბელგიური მედიის თანახმად, ადნან იანუზაი "მანჩესტერს" მიმდინარე ზაფხულში დატოვებს. ის კარიერას იტალიურ "რომაში" გააგრძელებს.

7. კრის სმოლინგი

ESPN -ის თანახმად კრის სმოლინგი კარიერას ლონდონის "არსენალში" გააგრძელებს. ბრიტანული მედიაში უკვე ხშირად იწერება იმის თაობაზე, რომ ვენგერი სმოლინგის შეძენით პირადადაა დაინტერესებული და მაქსიმალურად შეეცდება მის "ემირატებზე" გადაბირებას.