მიმდინარე წინასატრანსფერო პერიოდში "მანჩესტერ იუნაიტედის" ერთ-ერთი მთავარი სამიზნე "მონაკოს" მარჯვენა მცველი ფაბინიო გახლავთ, თუმცა "ManchesterEveningNews"-ის თანახმად, მომდევნო სეზონს "ოლდ ტრაფორდზე" ბრაზილიელი არ იასპარეზებს.

ყველასათვის ცხადია, რომ ჟოზე მოურინიოს სჭირდება მაიკლ კერიკის შემცვლელი, რომელიც ბოლო სეზონს ჩაატარებს თავის საფეხბურთო კარიერაში. ჭორების თანახმად, პორტუგალიელი შეეცდება, არა ფაბინიოს, არამედ მისი ყოფილი შეგირდის, ნემანია მატიჩის ან პრემიერ ლიგაში მოასპარეზე, ერიკ დაიერის გადაბირებას.

ამჟამად მატიჩის ტრანსფერი ნაკლებას სავარაუდოა, მაგრამ "იუნაიტედის" შანსები დიდი ალბათობით მკვეთრად გაიზარდება, რამეთუ ლონდონური კლუბი ახლოს არის "მონაკდან" ბაკაიოკოს შეძენასთან.

როგორც მოგეხსენებათ, "იუნაიტედი" ცდილობს ცენტრალური დაცვის, ნახევარდაცვის, გარემარბისა და თავდასხმის გაძლიერებას. ამავე დროს, კლუბმა უკვე მოახერხა ვიქტორ ლინდელოფის გადაბირება. გარდა ამისა, მადრიდის "რეალთან" მოლაპარაკებები დასკვნით ფაზაში შევიდა, რომელიც ალვარო მორატას ტრანსფერს უკავშირდება.

წყარო: M. E. N.