ზლატან იბრაჰიმოვიჩი ჟოზე მოურინიოს ერთ-ერთი ხმაურიანი შენაძენი იყო. მოგეხსენებათ რომ იბრაჰიმოვიჩი გუნდს თავისუფალი აგენტის სახით შეუერთდა და გუნდს მის შეძენაში არანაირი თანხა არ გადაუხდია. გამომდინარე აქედან შვედი გუნდის ისტორიაში ალბათ ერთ-ერთი ყველაზე გამორჩეული და გამართლებული შენაძენია. მოგებული სამი ტიტულიდან ორი (კომუნიტი შილდი და ლიგის თასი) "იუნაიტედმა" სწორედ იბრაჰიმოვიჩის გოლების წყალობით მოიგო.

ალბათ ყველას გახსოვთ რომ სეზონის ბოლო ნაწილში ზლატანმა უმძიმესი ტრავმა მიიღო "ანდერლეხტთან" და გუნდს სწორედ ამ ტრავმის გამო ვეღარ დაეხმარა მესამე ტიტულის მოგებაში. თუმცა უნდა აღვნიშნოთ ისიც რომ ევროპა ლიგის ტიტულის მოპოვებაშიც იბრას როლი ძალზედ დიდი იყო.

"ანდერლეხტთან" მატჩში მიღებული ტრავმა შვედისთვის ძალზედ სერიოზული გამოდგა. იბრაჰიმოვიჩის არათუ მანჩესტერული, არამედ მთლიანად საფეხბურთო კარიერა ეჭვის ქვეშ დადგა, მაგრამ როგორც ზლატანმა თვითონვე განაცხადა ის მოედანზე აუცილებლად დაბრუნდება. ოღონდ როგორც ირკვევა ახლა უკვე სხვა გუნდის მაისურში ვიხილავთ შვედს, რადგან Sky Sport-ის თანახმად მანჩესტერის ხელმძღვანელობა ზლატან იბრაჰიმოვიჩს კონტრაქტს აღარ გაუხანგრძლივებს.

წყარო:Sky Sports