"მანჩესტერ იუნაიტედის" მთავარი მწვრთნელი დარწმუნებულია, რომ "ოლდ ტრაფორდზე" მომდევნო სეზონის გატარების შემთხვევაში შეცდომებს აღარ დაუშვებს.
მომდევნო კვირაში "ეშმაკებს" მოურინიოს ხელმძღვანელობით მესამე ტიტულის მოგების შანსი ექნება, მაგრამ პრემიერ ლიგაში მეექვსე ადგილზე მაღლა ვეღარ აიწევს.
თუმცა, პორტუგალიელი დარწმუნებულია, რომ "ოლდ ტრაფორდზე" ყოფნის მეორე წელი სრულიად განსხვავებული იქნება და მასში შეცდომებს არ დაუშვებს.
"კლუბში მისვლის წინ სიტუაციის გაანალიზებას ვცდილობ, მაგრამ რეალობას მხოლოდ მაშინ ეჭიდები, როცა გუნდის შიდა სამზარეულოს ხედავ. ფიქრობ, რომ შესანიშნავად იცნობ ფეხბურთელთა შესაძლებლობებს, მაგრამ ასე არ არის.
პირველი სეზონი ყოველთვის რთულია. მომწონს მეორე, რადგან, როგორც წესი, მეორე სეზონში შეცდომებს არ ვუშვებ. ვაღმერთებ პირველი სეზონიდან მეორეში გადასვლას.
ხშირად მიფიქრია, თუ რა უშლიდან "მანჩესტერ იუნაიტედს" ბოლო ოთხი-ხუთი წლის განმავლობაში წარმატების მიღწევასი ხელს. ჩემი ვერსიაა: პრემიერ ლიგის რეალიები, რომელშიც ბევრი კლუბი ფლობს ფინანსურ სიძლიერეს.
გვესმის, რომ გარკვეული სამუშაო უნდა გასწიო, რათა გუნდი ჩვეულ ადგილს დაუბრუნო. კარგი ამბავი ისაა, რომ ამას დირექტორთა საბჭოსთან ერთად ვაკეთებთ", - განაცხადა მოურინიომ.