"მანჩესტერ იუნაიტედის" მთავარმა მწვრთნელმა, ჟოზე მოურინიომ სემ ელერდაისს შებრალება სთხოვა და დაიჩივლა, რომ "კრისტალ პალასთან" ბოლო ტურის მატჩი შაბათს არ გაიმართება.
კვირას პრემიერ ლიგის მორიგი სეზონი სრულდება და "წითლები" "ოლდ ტრაფორდზე" უმასპინძლებენ "არწივებს", რის შემდეგაც სტოქჰოლმში გასამართი ევროპა ლიგის ფინალისთვის მზადებას დაიწყებენ.
ჟოზე იმედგაცრუებულია, რომ საფეხბურთო ასოციაციამ "პალასთან" მატჩის 24 საათით ადრე ჩატარება არ ისურვა. ამის გამო კი მოურინიო იძულებულია, სარეზერვო შემადგენლობა გაიყვანოს და თავის კოლეგას დანდობას სთხოვს.
"ჩვენ მეექვსეზე ვართ, "კრისტალ პალასი" უსაფრთხოდაა, ამიტომ შედეგს მნიშვნელობა არ აქვს. ვფიქრობ, როცა "კრისტალ პალასმა" "ჰალი" დაამარცხა, "ჰალი" გავარდა, "სუონსი" კი უსაფრთხოდ იყო, ჩვენი მატჩი შაბათს უნდა ჩატარებულიყო. მსოფლიოს ნებისმიერ სხვა ქვეყანაში ამ მატჩს შაბათს ჩაატარებდნენ. ვთხოვე თუ არა საფეხბურთო ასოციაციას? დროს უქმად არ ვკარგავ. როცა ვიცი, რომ ბრძოლას წავაგებ, მას არც ვიწყებ.
აქ უკვე შვიდი წელია ვიმყოფები და არასდროს მინახავს იმის მინიშნებაც კი, რომ ინგლისური კლუბების გამოსვლა ევროპულ ტურნირებზე აღელვებთ. არასდროს მინახავს "ჩელსი", "მანჩესტერ იუნაიტედის" ან გასულ წელს "მანჩესტერ სიტის" დახმარება. დახმარებას თუ ითხოვ, მარცხისთვის განწირული ხარ.
იმედგაცრუელბული ვარ. იმედი მაქვს, არ მოგვკლავენ, რადგან თქვენ იცით, როგორი შემადგენლობაც გვეყოლება. იმედია, "ოლდ ტრაფორდზე" გულშემატკივრები გუნდს მხარს დაუჭერენ და აპატიებენ თავდაჯერებულობის ნაკლებობას. იმედი მაქვს, დიდი სემი იტყვის, რომ ჩემი კარგი მეგობარია და რბილად მოგვიდგება. ზაჰას ეტყვის, რომ ცოტა დაამუხრუჭოს, ბენტეკეს კი სახლში დატოვებს. იმედია, დაგვინდობს."