ჟოზე მოურინიომ განაცხადა, რომ 24 მაისს ევროპა ლიგის ფინალში "მანჩესტერ იუნაიტედის" კარს სერხიო რომერო დაიცავს.

ეს გადაწყვეტილება ჯილდოა რომეროსთვის, რომელმაც "წითლებს" მთელი ტურნირის განმავლობაში დიდი დახმარება გაუწია ფინალში გასვლაში. ჩვეულებრივ დე ხეას საქმე რომეროსაც კარგად გამოსდიოდა და მან ჯგუფური ეტაპის ბოლო ორ მატჩში მოახერხა კარის "მშრალად" შენახვა, რის შემდეგაც პლეი-ოფის რვავე შეხვედრა დაიწყო სასტარტო შემადგენლობაში "სენტ-ეტიენის", "როსტოვის", "ანდერლეხტისა" და "სელტა ვიგოს" წინააღმდეგ.

"ორი ფანტასტიკური მეკარე გვყავს. არასდროს მინახავს ჩემს კარიერაში ორი მეკარე, რომლებიც ასე მეგობრობენ, მათ პოზიციაზე ხომ თავისთავადი კონკურენცია არსებობს, განსაკუთრებით მაშინ, როცა ერთსა და იმავე დონეზე არიან.

ჩვენ არგენტინისა და ესპანეთის ნაკრების მეკარეებზე ვსაუბრობთ, მაგრამ ისინი ძალიან ახლო მეგობრები არიან და ერთმანეთს მხარს უჭერენ. არასდროს მინახავს მათ სახეზე ცუდი გამოხედვა. ყოველთვის ერთმანეთის მხარდაჭერას ვხედავდი.

ვფიქრობ, სამართლიანია, რომ რომერომ ითამაშოს ფინალში და დავიდს ეს ესმის, მითუმეტეს, რომ დავიდმა ევროპა ლიგაზე სამი მატჩი ჩაატარა - ორი "ფენერბაჰჩესა" და ერთიც "ფეიენოორდის" წინააღმდეგ - და თუ ტიტულს მოვიგებთ, დავიდსაც გადაეცემა ჯილდო.

თუ ყველაფერი ნორმალურად წავა და პრობლემა არ გვექნება, სერხიო ფინალში ითამაშებს."

წყარო: manutd.com