ჟოზე მოურინიომ განაცხადა, რომ "სელტა ვიგოსთან" მატჩში "მანჩესტერ იუნაიტედს" ხუთი ფეხბურთელი უბრუნდება.

ჩრდილოეთ ესპანეთში გამგზავრებამდე "წითლებმა" სავარჯიშო სესია გამართეს და მასში მონაწილეობას იღებდნენ კრის სმოლინგი, ფილ ჯონსი და ერიკ ბაიიც.

"ბალაიდოს მინისიპალ სტედიუმზე" გასამართი მატჩის წინა პრესკონფერენციისას მოურინიომ მის ფეხბურთელებზე ისაუბრა.

"კრის სმოლინგი და ფილ ჯონსი დაბრუნდნენ, ასევე პოლ პოგბა. ევროპა ლიგის თვალსაზრისით ეს ძალიან მნიშვნელოვანია. ერთ კვირაში "სელტასთან" ორი მატჩი უნდა ჩავატაროთ, მნიშვნელოვანია, რომ ყველა დაბრუნდა. პრემიერ ლიგის თვალსაზრისით კი უკვე ძალიან გვიანია, რადგან აპრილის თვეში სულ 9 მატჩი ჩავატარეთ და 7 მათგანი პრემიერ ლიგაზე მოდის.

ძალიან ბევრი პრობლემა გვქონდა ბევრი მოთამაშის არყოფნის თვალსაზრისით - ამის გამო გვყავდა მოთამაშეები, რომლებმაც 750 და 800 წუთი ითამაშეს, რის საზღაურიც გადავიხადეთ. დასვენებული გუნდების წინააღმდეგ ვთამაშობდით, ჩვენ კი გადატვირთულები ვიყავით. ახლა კი სხვა პერსპექტივაა, რადგან ევროპა ლიგა უფრო მნიშვნელოვანი ხდება ჩვენთვის. კარგია სამი ფეხბურთელის დაბრუნება, რაც მეტ არჩევანს გვაძლევს.

ხუან მატა ტრავმირებული იყო გარკვეული პერიოდი, მაგრამ ახლა ისიც მზად არის სათამაშოდ. გამოცდილია, ერთ-ერთია იმ მცირეთა შორის, რომელთაც ევროტურნირის ნახევარფინალსა და ფინალში მიუღიათ მონაწილეობა, ამიტომ ახალი არაფერია მისთვის. ერთადერთ რისკს ის წარმაოდგენს, რომ შეიძლება, 90 წუთი ვერ ითამაშოს, რისკი ის არის, რომ სასტარტოში თუ იქნება, ვერ დაამთავრებს მატჩს ბოლომდე. სათადარიგოდან ჩართვის პრობლემა კი არ აქვს, ასე რომ, შემადენლობაში იქნება და შეუძლია, იდეალურად ითამაშოს".

მწვრთნელს ასევე ახლახანს ტრავმირებულ ფეხბურთელთა შესახებ ჰკითხეს, რაზეც უპასუხა: "ბაიი მზად არის სათამაშოდ. მისი ხასიათიდან გამომდინარე ყველა პრობლემას ებრძვის, სანამ შესაძლებელია. ლუკ შოუ ტრავმირებულია და ეს მნიშვნელოვანი ტრავმაა. მაგრამ ჯერ კიდევ ველოდებით მედიკოსთა მოსაზრებას, რათა გადაწყდეს, რა უნდა გავაკეთოთ. მნიშვნელობა არ აქვს, რას დაადგენენ, ამ სეზონში ვეღარ ითამაშეს, ეს დადასტურებულია".

წყარო: manutd.com