"ლივერპულის" ლეგენდა და ინგლისის ნაკრების ყოფილი მცველის, ჯეიმი კარაგერის აზრით, "ბარნლის" ცენტრალურმა მცველმა, მაიკლ კინიმ კარიერა "ევერტონში" უნდა გააგრძელოს და არა "იუნაიტედში".
იმის გათვალისწინებით, რომ მაიკლ კინი შთამბეჭდავ სეზონს ატარებს "პრემიერ ლიგის" მიმდინარე გათამაშებაში, მისი "თერფ მურის" დატოვება გარდაუვალი იქნება.
"იუნაიტედს" სურს მაიკლის "ოლდ ტრაფორდზე" დაბრუნება, თუმცა კარაგერის აზრით, ინგლისის ნაკრების წევრს, "ევერტონი" უფრო შეეფერება.
"24 წლის მოთამაშესთვის რთული იქნება ყოფილ კლუბში დაბრუნება. ჩემი აზრით, "ბარნლი" მისთვის კარგი ადგილია, მაგრამ არსებობს შანსი იმისა, რომ მაიკლი მომდევნო სეზონს სხვა კლუბის ღირსებას დაიცავს. ვფიქრობ, მისი "იუნაიტედში" დაბრუნება შეცდომა იქნება.
მაიკლი უნდა წავიდეს ისეთ კლუბში, სადაც ძირითად შემადგენლობაში დაიმკვიდრებს ადგილს. შეძლებს ის ამას "იუნაიტედში" ? - არ ვარ დარწმუნებული.
არის საუბრები, რომ მისით "ევერტონი" ინტერესდება. ეს შესანიშნავი ვარიანტი იქნება ინგლისის ნაკრების წევრისთვის. დიახ - მაიკლს სურს მოიგოს ტიტული, თუმცა მისთვის მთავარი ყოველ კვირა დღეს თამაშია" - განაცხადა ჯეიმი კარაგერმა "SkySports"-თან ინტერვიუში.