უეინ რუნიმ "ბარნლისთან" მოგებული მატჩის შემდეგ ჟურნალისტებს განუცხადა, რომ ფიზიკურად ძლიერად გრძნობს თავს.

რუნის 5 მარტის შემდეგ არ ჩაუტარებია მატჩი სასტარტო შემადგენლობაში, მაგრამ ზლატან იბრაჰიმოვიჩის ტრავმის შემდეგ ჟოზე მოურინიოს მისი სამსახური კვლავ დასჭირდა.

ენტონი მარსიალმა აღნიშნულ მატჩში თავისი გუნდი დააწინაურა, მოგვიანებით კი რუნიმ "იუნაიტედს" ორბურთიანი უპირატესობა მოუპოვა და შეხვედრის საბოლოო ანგარიშიც დააფიქსირა, რითაც "წითლებმა" თავიანთი წაუგებელი სერია 23 მატჩამდე გაზარდეს.

მატჩის შემდეგ რუნიმ "სქაი სპორტსს" ინტერვიუ მისცა, სადაც თავის მდგომარეობაზე ისუბრა:

"განწყობა აგვიმაღლა ევროპა ლიგის ნახევარფინალში გასვლამ, მაგრამ როხოსა და ზლატანის დაკარგვა დიდი დარტყმაა.

შემადგენლობაში მოხვედრილმა ფეხბურთელებმა მწვრთნელს საფიქრალი გაუჩინეს. ორივემ გავიტანეთ. კარგია არჩევანის ქონა. ხუთშაბათის დიდი მატჩის გამოძახილია.

გოლის გატანა ყოველთვის სასიამოვნოა. ტრავმები მქონდა, რაც სამწუხაროა, მაგრამ ახლა თავს ძლიერად ვგრძნობ", - განაცხადა კაპიტანმა.

ოთხშაბათს გასამართი მანჩესტერული დერბი ჩემპიონთა ლიგის საგზურის მოპოვების ერთ-ერთი მთავარი გადამწყვეტი ფაქტორი უნდა იყოს, რის შესახებაც რუნიმ დაამატა: "ორი დიდი გუნდი ითამაშებს და "სიტისთვისაც" დიდი მნიშვნელობა აქვს.

ოთხეულისთვის ბრძოლა მიმდინარეობს და ორივე გუნდი იბრძვის. მზად ვიქნებით."

წყარო: goal.com