პოლ პოგბამ უფრო მეტი ზუსტი პასი განახორციელა, ვიდრე პრემიერ ლიგის ნებისმიერმა სხვა ფეხბურთელმა, "ჩელსისთან" ნაჩვენები შესანიშნავი თამაშის შემდეგ კი მან "ლივერპულის" ნახევარმცველ ჯორდან ჰენდერსონსაც აჯობა ამავე მაჩვენებლით.

"ოლდ ტრაფორდზე" მოპოვებული 2-0 გამარჯვების შემდეგ ფრანგს პრემიერ ლიგაში 2071 პასი აქვს გაკეთებული და ჰენდერსონს 14 პასით უსწრებს, ხოლო ერთ მატჩში საშუალოდ 74 ზუსტ პასს აკეთებს.

პოგბას უამრავი გადაცემიდან 156 გრძელი გადაცემა იყო, 38 ჩაწოდება და 26 გამჭოლი პასი ისეთ ფორვარდებზე, როგორსაც ზლატან იბრაჰიმოვიჩსა და მარკუს რეშფორდს უკეთებდა ხოლმე.

საფრანგეთის ნაკრების ფეხბურთელი ევროპა ლიგაზეც ლიდერობს ამავე მაჩვენებლით და შიდა ჩემპიონატის ლიდერთა სიაში ერთ-ერთია იმ ორ ფეხბურთელს შორის, რომლებიც "იუნაიტედს" წარმოადგენენ. ანდერ ერერა მეხუთე ადგილზე იმყოფება 1853 პასით და იგი ზემოხსენებულებთან ერთად ნ'გოლო კანტესა (1899) და სესარ ასპილიკუეტას ჩამორჩება (2028).