სერიოზული ტრავმის შემთხვევაში ზლატანი მთელი წელი იუქმებს.
ზლატან იბრაჰიმოვიჩი 2017 წელს ჩასატარებ მატჩებს გამოტოვებს, თუკი დაუდასტურდება მარჯვენა მუხლის მოტეხილობა.
ეს ამბავი დიდი დარტყმა იქნება "მანჩესტერ იუნაიტედისთვის", რომელიც მიმდინარე სეზონში ევროპა ლიგის მოგებისა და პრემიერ ლიგის ოთხეულში მოსახვედრად იბრძვის, მომდევნო სეზონში კი პრემეირ ლიგის მოგებასაც ეცდება.
ამან ხელი შეიძლება შეუშალოს "ოლდ ტრაფორდზე" ზლატანის მეორე წლით დარჩენას და 36 წლის ასაკში მან სხვა ჩემპიონატს მიაშუროს.
ზლატანის შეძენის მსურველები კი ამერიკის საფეხბურთო ჩემპიონატში მრავლად მოიძებნებიან, რომელთა შორის "ლოს ანჯელესი" 5 მილიონ ფუნტს სთავაზობს ერთ სეზონში და ეს წინადადება ჯერ კიდევ ძალაშია.
ვეტერანმა ფორვარდმა ევროპა ლიგის ეგიდით "ანდერლეხტთან" გამართული მატჩის ძირითადი დროის ბოლო წუთზე გაზონზე მოუხერხებლად დააბიჯა ფეხი და მუხლი დაიზიანა.
არსებობს საშიშროება, რომ იბრაჰიმოვიჩმა მუხლის მოტეხილობა მიიღო, ასეთი სახის ტრავმა კი 6-დან 9 თვემდე უქმობას ნიშნავს.
მისთვის მიმდინარე სეზონი უკვე დასრულებულია და თუ "იუნაიტედი" "სელტა ვიგოს" დამარცხებას მოახერხებს, სამშობლოში გამართულ ევროპა ლიგის ფინალშიც ვერ მიიღებს მონაწილეობას.
იბრაჰიმოვიჩის ადგილს მარკუს რეშფორდი დაიკავებს, თუმცა "იუნაიტედს" შეტევაში უეინ რუნიც დაემატა.
წყარო:
dailymail