"მანჩესტერ იუნაიტედი" მზად არის, 70 მილიონი ევრო გადაიხადოს "პარი სენ-ჟერმენის" მცველის, მარკინიოსისთვის, რომლის საშუალებითაც მომდევნო სეზონის დასაწყისში დაცვის ხაზის გაძლიერებას ეცდება.

ლიგა 1-ის ჩემპიონებს არ სურთ თავიანთი ერთ-ერთი წამყვანი ფეხბურთელის გაყიდვა და ისინი 100 მილიონი ევროს ოდენობის წინადადებასაც კი არ დასთანხმდებიან.

ჟოზე მოურინიოს გუნდი კი თავის მხრივ წელიწადში 10 მილიონ ევროს გადაიხდის დანამატის სახით, რათა ევროპის ერთ-ერთი საუკეთესო ახალგაზრდა მცველი შეიძინოს და პრემეირ ლიგის მოგების უნარის მქონე გუნდი შექმნას.

ეჭვები ჯერ კიდევ არის კრის სმოლინგისა და ფილ ჯონსის შემთხვევაში, რომლებსაც ტრავმებთან გამკლავება უწევთ, დეილი ბლინდი ზაფხულში, დიდი ალბათობით, გუნდს დატოვებს.

მარკოს როხო და ერიკ ბაიი არიან წყვილი, რომელსაც უხდება გუნდის დაცვაში პასუხისგება ბოლო კვირებში და ისინი ამას შესანიშნავად ართმევენ თავს, მაგრამ მარკინიოსის პოტენციალი დამატებითი სიძლიერე იქნება ცენტრალურ ხაზში.

"იუნაიტედს" ჯერ არ გაუკეთებია ოფიციალური შეთავაზება, პსჟ კი "წითელი ეშმაკების" ნებისმიერი მცდელობის დაბლოკვას ეცდებიან, რათა 2013 წელს "რომადან" შეძენილი ფეხბურთელი შეინარჩუნონ.

სწორედ ამისთვის, უნაი ემერის გუნდი მარკინიოსს ზაფხულში ახალ კონტრაქტს შესთავაზებს, რომლის თანახმადაც 22 წლის მცველი ერთ-ერთი ყველაზე მაღალანაზღაურებადი ფეხბურთელი გახდება.

წყარო: goal.com