მარკუს რეშფორდი მოხარულია, რომ "მანჩესტერ იუნაიტედისა" და "ანდერლეხტის" მატჩში გამარჯვების გოლი გაიტანა და მის გუნდს 3-2 გამარჯვება მოუპოვა.
ჰენრიხ მხითარიანმა ანგარიში გახსნა და სოფიან ჰანიმ მოგვიანებით წონასწორობა აღადგინა, სანამ "წითლები" უპირატესობას მოიპოვებდნენ, მაგრამ შეტევაში დაწინაურებას ვერ ახერხებდნენ. თუმცა დამატებით დროში რეშფორდმა მაინც მოახერხა უპირატესობის გოლში გარდასახვა და "იუნაიტედი" ნახევარფინალში გავიდა, სადაც "სელტას" დაუპირისპირდება.
"ყველაფერი, რისი გაკეთებაც შეგიძლია, მცდელობაა და ჩვენ ამას ვაკეთებდით. მეორე ტაიმის მიწურულს გუნდურად ვახდენდით მათზე ზეწოლას და საჯარიმოს მივაჯაჭვეთ. სწორედ ეს იყო საჭირო მთელი მატჩის განმავლობაში. ბოლომდე ვიბრძოდით. ბევრი მომენტი გვქონდა, რომლითაც უფრო მეტი გოლის გატანა შეგვეძლო, მაგრამ ასეთ თამაშებში ამგვარი რამ ხდება. ბოლოს მაინც გავიტანეთ გოლი და ყველა ბედნიერია.
უბრალოდ უნდა სცადო და იმედოვნო, რომ მორიგ შანსს მიიღებ და ვფიქრობ, ჩვენ ეს შევძელით. შანსს მეორე ტაიმში ვქმნიდით და ადვილად შეგვეძლო თამაშის მოგება, მაგრამ რთულად გამოგვივიდა. ახლა ამას აღარ აქვს მნიშვნელობა", - განაცხადა რეშფორდმა.