პოლ პოგბა აცხადებს, რომ მისი თამაშის განსჯა სატრანსფერო ღირებულებით ან გატანილი გოლებით, მართებული არ არის და "მანჩესტერ იუნაიტედში" ცხოვრებისგან სიამოვნებას იღებს.

მსოფლიოს ყველაზე ძვირადღირებული ფეხბურთელი "იუვენტუსიდან" გადავიდა "ოლდ ტრაფორდზე" და გუნდის რეგულარული წევრია. მან უკვე მოიგო ლიგის თასი "იუნაიტედთან" ერთად და ახლა ევროპა ლიგის მოგებასაც ისახავს მიზნად.

გუშინ გამართულ პრესკოფერენციაზე კი ფრანგმა თავის კრიტიკოსებს უპასუხა:

"სიმართლე გითხრათ, თავს დიდებულად ვგრძნობ. ორი ტიტული მოვიგეთ, მაგრამ უფრო მეტი მსურს. კარგად ვთამაშობ, გუნდიც კარგად თამაშობს და ევროპა ლიგის მოგებასა და ოთხეულში მოხვედრას ვაპირებთ. სატრანსფერო ფასი მავიწყდება, ეს უკვე წარსულია, ვფიქრობ, მხოლოდ მოედანზე ნაჩვენებ თამაშსა და გუნდისთვის სარგებლის მოტანას აქვს მნიშვნელობა.

ხალხი მიყურებს და გოლების სიმცირის გამო მსჯის, მაგრამ ეს ხომ ფეხბურთია. ჩემგან გოლებს იმიტომ ელიან, რომ მთასავით სატრანსფერო ფასი მაქვს. ჩემი საქმე ნახევარმცველობა, საგოლე გადაცემების გაკეთებაა.

ტრანსფერი სულ სხვა რამეა და მოედანი სულ სხვა. მე საქმეს ვაკეთებ. ისეც ხდება, რომ ფეხბურთელს პასს ვაძლევ, მაგრამ გოლს ვერ იტანენ. ხალხი ჩემგან გოლის გატანას სატრანსფერო ფასიდან გამომდინარე ელის, მაგრამ მე ამაზე არ ვფიქრობ. გუნდის დახმარება რომ შემეძლოს გამარჯვების მოპოვებაში, ამას გავაკეთებ. ძელისთვის ის ყველა გარტყმული გოლი რომ ყოფილიყო, არა მგონია, ხალხს იგივე ეთქვა".