ჟოზე მოურინიომ პოზიტიურად შეაფასა "მანჩესტერ იუნაიტედის" იმედგაცრუების კვირეულის შედეგები, რომლის განმავლობაში ნაჩვენები წაუგებელი სერია თავისი არაშთამბეჭდაობის მიუხედავად პორტუგალიელს მომდევნო სეზონისთვის მზადების პროცესში მნიშვნელოვნად მიაჩნია.

ოთხეულში მოხვედრის იმედებს დარტყმა მიაყენა "ოლდ ტრაფორდზე" "ვესტ ბრომსა" და "ევერტონთან" ბოლო შვიდ დღეში ნათამაშებმა ორმა ფრემ, რომელთაგან მხოლოდ ერთში გაიტანა გუნდმა გოლი ზლატან იბრაჰიმოვიჩის პენალტის წყალობით.

ლიგის თასის მფლობელები კვირას "სანდერლენდს" ეწვევიან და იმედოვნებენ, რომ ჩამორჩენას შეამცირებენ მეოთხე ადგილზე მყოფ "მანჩესტერ სიტისთან", რომელსაც ოთხქულიანი უპირატესობა აქვს მეტოქეებთან.

ამ მატჩს "წითლები" 20-მატჩიანი წაუგებელი სერიით ხვდებიან, რომლის განმავლობაშიც მხოლოდ 10 მატჩის მოგება მოახერხეს.

მიუხედავად მოპოვებული 40 ქულისა, მოურინიო აცხადებს, რომ ურჩევნია 10 ფრე ჰქონდეს, ვიდრე 5 მოგება და 5 წაგება.

"მომდევნო სეზონის შემხედვარე კარგია იმის შეგრძნება, რომ ბევრ მატჩს არ ვაგებთ და პრემიერ ლიგაში ფანტასტიკური 20-მატჩიანი წაუგებელი სერია გვაქვს.

მეც ვიცი, რომ 10 ფრე 10 ქულაა და 10 მატჩში ხუთის მოგება 15 ქულას უდრის. რომელი ჯობია? 15 ქულა, რა თქმა უნდა.

მაგრამ მომავალზე გათვლით, მირჩევნია, 10 მატჩში 10 ქულა გვქონდეს, რადგან ის გექნება, რისი მოპოვებაც ადვილი არ არის.

მენტალურად სოლიდურად გრძნობ თავს, რთულად დასამარცხებელი ხდები და რთული პირობების წინააღმდეგ იბრძვი", - განაცხადა მოურინიომ.

წყარო: goal.com