ლუკ შოუ აცხადებს, რომ ბოლომდე იბრძოლებს "მანჩესტერ იუნაიტედში" თავისი კარიერის გადასარჩენად.

შოუ გასულ უქმეებზე "ვესტ ბრომთან" მატჩის მიღმა დარჩა, "ევერტონთან" შეხვედრაში კი შეცვლაზე შესვლის შედეგად ჩაერთო და გუნდს პენალტი მოუპოვა, რითაც "იუნაიტედმა" ერთი ქულა მოიპოვა.

მიმდინარე სეზონში მოურინიომ არაერთხელ გააკრიტიკა ინგლისელი მცველი და აღნიშნა, რომ იგი თანაგუნდელებს ძალიან ჩამორჩება თავდადებასა და კონცენტრირებაში.

"იუნაიტედის" მწვრთნელმა გააცნობიერა შოუს განვითარება შუა კვირაში და ამის შემდეგ განაცხადა, რომ ყველა გადაწყვეტილებას ლუკის სასარგებლოდ იღებდა.

ამ რამდენიმე დღის შესახებ კი შოუმ შემდეგი განცხადება გააკეთა: "იუნაიტედში" ყოფნა მიყვარს, საოცარი გულშემატკივრები არიან და ბოლო რამდენიმე დღეში მომხდარის მიუხედავადაც ასეთები იყვნენ.

მაგრამ თავის დახრას არ ვაპირებ და ბოლომდე ვიბრძოლებ. არ დავნებდები. მიყვარს ეს კლუბი და აქ ყოფნისთვის ყველაფერს გავიღებ.

როგორც ჟოზემ თქვა, სურს იხილოს, როგორ ვიბრძვი - და მეც ვიბრძოლებ ბოლომდე, რადგან ამ კლუბში ყოფნა მინდა.

მწვრთნელისთვის თამაში და მწვერვალზე გუნდის ასვლაში დახმარება ჩემი მიზანია".

შოუ "იუნაიტედს" თინეიჯერ ფეხბურთელში გადახდილ რეკორდულ თანხად დაუჯდა, როცა 2014 წელს "საუთჰემპტონიდან" შეიძინა, მაგრამ მისი პროგრესი "ოლდ ტრაფორდზე" 2015 წლის სექტემბერში ფეხის ორმაგმა მოტეხილობამ შეაჩერა.

"როგორც უკვე ვთქვი, გულშემატკივრები კარგად მექცეოდნენ, განსაკუთრებით ბოლო ორ დღეს. ამიტომაც მიყვარს ისინი. მათთვის ადვილი იქნებოდა იმ კომენტარების ნახვა და ჩემზე გულაცრუება, ხომ ხვდებით, რასაც ვგულისხმობ?

მაგრამ მხარდაჭერა, რომელსაც ისინი ყოველთვის მიცხადებდნენ, საოცარია და ამას დიდხანს არ დავივიწყებ, რადგან ჩემთვის ბევრს ნიშნავს. არ მინდა, მათ იმედი გავუცრუო და ვიბრძოლებ თითოეული მათგანისთვის."

წყარო: skysports