დღეს მსოფლიოს 2018 წლის ჩემპიონატის ევროპულ შესარჩევ ციკლში მე-5 ტურის შეხვედრაში ინგლისის ეროვნულმა ნაკრებმა "უემბლიზე" ლიტვას უმასპინძლა და მეტოქე 2-0 დაამარცხა.

ჟერმენ დეფომ ნაკრებში დაბრუნება გოლით აღნიშნა, ვეტერანმა ინგლისელმა 22-ე წუთზე სტერლინგის გადაცემით ისარგებლა და ანგარიში გახსნა. მატჩის საბოლოო წერტილი კი ჯეიმი ვარდიმ დასვა, რომელმაც ადამ ლალანას გადაცემა გოლად აქცია.

შეხვედრაში მონაწილეობა მხოლოდ ერთმა მანჩესტერელმა, მარკუს რეშფორდმა მიიღო, რომელიც მოედანზე მე-60 წუთზე გამოჩნდა.


რეშფორდმა კარის მიმართულებით 2-ჯერ დარტყმა განახორციელა, აქედან ერთი ზუსტი გამოდგა. მარკუსი ბურთს 48-ჯერ შეეხო და 30 გადაცემის გაკეთება მოახერხა 83.3%-იანი სიზუსტით. აგრეთვე აღსანიშნავია, რომ ახალგაზრდა ინგლისელმა ყველაზე მეტი (7) გამჭოლი გადაცემა გააკეთა მოედანზე მყოფ ფეხბურთელთა შორის.




F ჯგუფს 13 ქულით ინგლისის ნაკრები ლიდერობს, მეორე და მესამე ადგილს სლოვენიისა და სლოვაკეთის ნაკრებები იკავებენ. მომდევნო მატჩს ინგლისელები 10 ივნისს, შოტლანდიელთა წინააღმდეგ გამართავენ.