ჟოზე მოურინიომ ევროპა ლიგის მატჩის მოგების შესახებ ისაუბრა.
ჟოზე მოურინიომ "მანჩესტერ იუნაიტედი" ევროპა ლიგის მეოთხედფინალურ ეტაპზე "როსტოვთან" მატჩში გამოჩენილი თავდადების გამო შეაქო.
"წითლებმა" "ოლდ ტრაფორდზე" გამართული შეხვედრა ხუან მატას გოლის წყალობით 1-0 მოიგეს, ორი მატჩის ჯამში კი 2-1 იმარჯვეს და ტურნირის მეოთხედფინალში გავიდნენ.
მატჩის შემდეგ მოურინიომ მნიშვნელოვან საკითხებზე ისაუბრა...
მატჩის ანალიზი"პირველ ტაიმში მხნედ გამოვიყურებოდით, მკვდრები არ ვიყავით და მართლაც ვდომინირებდით, შანსებსაც ვქმნიდით, მეტოქეს კი ცენტრალური ხაზის არ გადაუკვეთავს და ყველაფერი ისე მიდიოდა, რომ რამდენიმე გოლი უნდა გაგვეტანა დუელის ბედის გადასაწყვეტად. მაგრამ ისინი ცალსახად ცდილობდნენ, თამაში იმ პერიოდამდე გაეწელათ, როცა ლოგიკურად ფიზიკური პრობლემები უნდა შეგვქმნოდა. ჩვენი მხრიდანაც არაფერი იყო გადაწყვეტილი და არც მათი მხრიდან, ბოლო ნაწილში კი პრობლემები შეგვექმნა, ტრავმები გვქონდა, ცვლილებების განხორციელება მოგვიხდა."
ფიზიკურმა მდგომარეობამ მნიშვნელოვანი როლი ითამაშა"დამატებითი დროის დანიშვნისა მეშინოდა, ზოგიერთი ფეხბურთელი კი უკვე პრობლემებს განიცდიდა. ვიცი, რომ შემეძლო რეშფორდის შეყვანა, მაგრამ ამავდროულად ვშიშობდი, რადგან როხო, როგორც მინიმუმ, პრობლემებს განიცდიდა. რთული მატჩი იყო. ბევრი მტერი გვყავს. როგორც წესი, მტერი მხოლოდ "როსტოვი" უნდა ყოფილიყო, მაგრამ ჩვენ სხვა მტრებიც გვყავს. რთულია ორშაბათს საღამოს 10 კაცით თამაში, რთულია ახლა თამაში და რთულია კვირას 4 საათზე თამაში, ასე რომ, ბევრი მტერი გვყავს. ბიჭები ფანტასტიკურები იყვნენ. წარმომიდენია, რომ ზოგიერთი იტყვის, უკეთ უნდა გვეთამაშა, შეგვეძლო კიდეც გვეთამაშა, მეტი გოლი უნდა გაგვეტანა, ამ მეტოქესთან ამდენი პრობლემა არ უნდა შეგვქმნოდა, მაგრამ რეალობა ის არის, რომ ბევრი რამეა ჩვენ წინააღმდეგ მომართული და ჩვენ ყველაფერ ამას ვებრძვით. ბიჭები ფანტასტიკურად გამოიყურებიან და სავარაუდოდ, კვირას მატჩს წავაგებთ, მაგრამ მაინც მაქსიმუმს გავაკეთებთ".
წყარო:
manutd.com