ჟოზე მოურინიოს მიაჩნია, რომ პოლ პოგბა საფეხბურთო ექსპერტებისგან უფრო მეტ პატივისცემას იმსახურებს, ვინაიდან "მანჩესტერ იუნაიტედში" პირველივე სრულ სეზონში გუნდის თამაშზე უდიდესი გავლენა აქვს.
ფრანგის სატრანსფერო ღირებულება თავისთავად უწყობს ხელს მედიის მხრიდან მის მიმართ ყურადღების გამოჩენას, მაგრამ ოთხშაბათს გამართულ მატჩის წინა პრესკონფერენციაზე მოურინიომ ყველას განუცხადა, რომ კლუბში ნახევარმცველით კმაყოფილები არიან. მწვრთნელის აზრით, მოთამაშე, რომელსაც დღეს 24 წელი შეუსრულდა, კრიტიკას ყურადღებას არ უნდა აქცევდეს, რადგანაც შურს აქვს ადგილი.
"ისეთი შეგრძნება მაქვს, თითქოს მსოფლიო ფასეულობებს კარგავს და ეს ყველამ ვიცით, შური კი გარკვეულ დონეს აღწევს.
ასე თუ განვითარდება მოვლენები, მომდევნო თაობის გამო ვშიშობ. შური კი ყველგან არის.
პოლის ბრალი არ არის, რომ 10-ჯერ მეტ თანხას იღებს იმასთან შედარებით, რასაც წარსულში მოასპარეზე ზოგიერთი დიდი ფეხბურთელი იღებდა. მისი ბრალი არ არის, რომ ამ ექსპერტებიდან რომელიმეს ცხოვრებაში უჭირს და ყველა პუნტი სჭირდება გადარჩენისთვის, პოლი კი მულტი-მილონერია. მისი ბრალი არაა.
ვფიქრობ, პატივისცემას იმსახურებს. ვფიქრობ, მისი ოჯახიც იმსახურებს პატივისცემას. იმ ოჯახის შვილია, სადაც მშრომელი ხალხი ცხოვრობს, სადაც სამი ვაჟია და დარწმუნებული ვარ, ყოველდღე ბევრს ჭამდნენ, რადგან გიგანტები არიან. ამიტომაც დარწმუნებული ვარ, რომ დედამისი და მამამისი წლების განმავლობაში შრომობდნენ.
ის არის ბავშვი, რომელიც მანჩესტერში თინეიჯერულ ასაკში ჩამოვიდა, თავისი კარიერისთვის იბრძოლა, არ შეუშინდა ქალაქის გამოცვლას და სხვა ქვეყანაში ჩასვლას და არც უკეთესი პირობების ძეიება დაუწყია. ბავშვი, რომელმაც მსოფლიო მწვერვალს თავისი შრომით მიაღწია, მისთვის ტყუილად არავის არაფერი მიუცია.
პოლით ძალიან ბედნიერი ვარ. კლუბიც ბედნიერია პოლით და კარგია, რომ მისი პიროვნებიდან გამომდინარე არ აქვს ყურადღებას კრიტიკას და ხალხის ნათქვამს", - განაცხადა პორტუგალიელმა.