ხუან მატას "მანჩესტერ იუნაიტედში" თავისი ასპარეზობის ვადის გახანგრძლივება სურს.
2014 წლის იანვარში "ჩელსიდან" "ოლდ ტრაფორდზე" გადასვლის შემდეგ ხუანმა 100-ზე მეტი მატჩი ჩაატარა "იუნაიტედის" რიგებში და ინგლისის თასთან ერთად ქომუნითი შილდი მოიგო.
28 წლის ფეხბურთელს, რომელსაც ჟოზე მოურინიოს ხელმძღვანელობისას "ოლდ ტრაფორდზე" ბუნდოვან მომავალს უწინასწარმეტყველებდნენ, კონტრაქტი 2017/18 წლების სეზონის ბოლოს ეწურება და იმედს გამოთქვას, რომ შეთანხმების გახანგრძლივებას შეძლებს.
"ჩემი კონტრაქტის მიხედვით ორი წელი დამრჩა და ვისურვებდი, რომ ამის შემდეგაც "იუნაიტედში" დავრჩენილიყავი.
აქ ყოფნით ბედნიერი ვარ. ჩემი მოსვლის შემდეგ ინგლისის თასი და ქომუნითი შილდი მოვიგეთ, ახლა კი კიდევ ერთი ტიტულის მოგების შანსი გვაქვს.
ვფიქრობ, გულშემატკივარი რთულ პერიოდშიც კი საოცარ მხარდაჭერას გვიცხადებს და წარმომიდგენია, რა იქნება, პრემიერ ლიგა ან ჩემპიონთა ლიგა რომ მოვიგოთ მომდევნო წლებში. საოცრად აღნიშნავენ, ამიტომ სულ ამაზე ვფიქრობ", - განაცხადა ესპანელმა.