"საუთჰემპტონის" მთავარმა მწვრთნელმა, კლოდ პიუელმა აღიარა, რომ ლიგის თასის ფინალში ჰენრიხ მხითარიანის არყოფნა ახარებს.
რთული პერიოდის გამოვლის შემდეგ სომეხი ფეხბურთელი ჟოზე მოურინიოს გუნდის განუყოფელ ნაწილად იქცა და ბოლო კვირებში ხშირად ხვდებოდა სასტარტო შემადგენლობაში.
ევროპა ლიგაზე "სენტ-ეტიენთან" მატჩში გატანილი გოლის შემდეგ ჰენრიხმა ტრავმა მიიღო, რის გამოც "უემბლიზე" გასამართ ფინალს გამოტოვებს.
პიუელი ამ ამბავს მისი გუნდისთვის დადებითად მიიჩნევს, რამეთუ აცნობიერებს, რამდენად მნიშვნელოვანი ფიგურაა მხითარიანი.
როცა მატჩის წინა პრესკონფერენციაზე ჰკითხეს, კარგი ამბავია თუ არა მხითარიანის არყოფნა, "წმინდანების" მწვრთნელმა უპასუხა: "დიახ, ნამდვილად. მაგრამ მათ იმდენი კარგი ფეხბურთელი ჰყავთ გუნდში, რომ მისი შეცვლა არ გაუჭირდებათ".