ჟოზე მოურინიომ სოციალურ ქსელში კლაუდიო რანიერის საგულისხმო პოსტი მიუძღვნა მას შემდეგ, რაც იტალიელი "ლესტერ სიტის" მთავარი მწვრთნელის პოსტიდან დაითხოვეს.
პრემიერ ლიგის ჩემპიონებმა ხუთშაბათს საღამოს ოფიციალურად განაცხადეს, რომ რანიერი "მელიებს" აღარ გაწვრთნის.
შარშან მიღწეული წარმატების შემდეგ რანიერის შეგირდებს მიმდინარე სეზონში ცუდად მისდით საქმე და 25 მატჩში მოპოვებული მხოლოდ 5 გამარჯვების შედეგად მე-17 ადგილს იკავებენ.
გარდა ამისა, "ლესტერი" ინგლისის თასის გათამაშებასაც გამოეთიშა, როცა "მილუოლთან" მეხუთე რაუნდში მარცხდი განიცხადა. თუმცა, "მელიები" ჯერ კიდევ ასპარეზობენ ჩემპიონთა ლიგაზე, სადაც "სევილიასთან" საპასუხო მატჩის გასამართად ემზადებიან.
პრემიერ ლიგაში ჩემპიონობის მიღწევის შემდეგ რანიერი FIFA-ს წლის საუკეთესო მწვრთნელად აღიარეს, მაგრამ მიმდინარე სეზონში მისი ეს მიღწევები დავიწყებულია კლუბის ხელმძღვანელობის მიერ, თუმცა არა ჟოზე მოურინიოს მიერ.
54 წლის პორტუგალიელმა სოციალურ ქსელში თავისი კოლეგის მხარდამჭერი პოსტი გამოაქვეყნა
"ინგლისის ჩემპიონი და FIFA-ს წლის საუკეთესო მწვრთნელი დაითხოვეს. ეს არის დღევანდელი ფეხბურთი, კლაუდიო. ღიმილი არ შეწყვიტო, ამიგო. ვერავინ წაშლის ისტორიას, რომელიც შენ დაწერე".