"მანჩესტერ იუნაიტედის" მთავარი მწვრთნელი ჟოზე მოურინიო ინგლისის საფეხბურთო ასოციაციის გადაწყვეტილებით გაკვირვებულია, რამეთუ მას ნაადრევად მიიჩნევს.

"წითელი ეშმაკები" ინგლისის თასის მეოთხედფინალურ ეტაპზე ლონდონის "ჩელსის" დაუპირისპირდებიან სტუმრად. "სენტ-ეტიენთან" გამართულ მატჩამდე ცნობილი გახდა, რომ ეს შეხვედრა 13 მარტს, ორშაბათს თბილისის დროით 23:45 საათზე გაიმართება.

"იუნაიტედი" კვლავ ოთხ ტურნირზე იბრძვის, რომელთაგან ერთ-ერთი ამ დროისთვის უკვე დასრულებული ექნება, მაგრამ ევროპა ლიგაზე ასპარეზობას სწორედ "ჩელსისთან" მატჩამდე განაახლებს, როცა 9 მარტს ტურნირს 1/8 ფინალში ჩაერთვება, თუმცა ჯერ უცნობია, ვის წინააღმდეგ ითამაშებს.

"იუნაიტედის" მწვრთნელის გაკვირვებას სწორედ ის იწვევს, რომ ფედერაციამ მატჩის თარიღი მომდევნო ევროპელი მეტოქის ვინაობის გარეშე დანიშნა.

"მართლაც გაოცებული ვარ, რომ გადაწყვეტილება მანამდე მიიღეს, სანამ ევროპა ლიგის კენჭისყრა გაიმართებოდა, რადგან ამჟამად არავინ იცის, ვის წინააღმდეგ ვითამაშებთ და არც ისაა ცნობილი, სად ვითამაშებთ პირველ და მეორე მატჩს.

"ჩელსის" ორშაბათს ვეთამაშებით, მერე კი საპასუხო მატჩს გავმართავთ ევროპაში, რუსეთში ან თურქეთში. აი ეს არჩევანი გვაქვს. "ჩელსის" მეორე გუნდით ვერ ვეთამაშები. მათ წინააღმდეგ 21-წლამდელთა გუნდით ვერ გავალ, როგორც ეს "მანჩესტერ სიტიმ" გააკეთა - შარშან იყო? ჩვენ "მანჩესტერ იუნაიტედი" ვართ. ამას ვერ ვიზამ. ამას არც ვიზამ.

როგორც "იუნაიტედის" მწვრთნელი, ინგლისის თასზე ასე ვერ მოვიქცევი, რადგან თასი არ დამნაშავე გადაწყვეტილების მიღებაში. ეს თასი მშვენიერია, ტურნირი ისტორიულია და "იუნაიტედის" გულშემატკივრებს სწორად უნდა მივუდგე.

ერთადერთი, რაც მოხდება, მატჩების გადაჭარბება და ჭარბი მატჩების მოთამაშე ხალხის ზრდაა. გარკვეული როტაციის განხორციელება მომიწევს, მაგრამ ვინმემ აუცილებლად უნდა ითამაშოს ზედიზედ რამდენიმე მატჩი", - განაცხადა მოურინიომ.

წყარო: manutd.com