პოლ პოგბამ "სენტ-ეტიენთან" მატჩის შემდეგ თავის უიღბლობას გაუსვა ხაზი და აღნიშნა, რომ არ ესმის, რატომ ვერ გააქვს გოლები, როცა ბევრ მომენტს ქმნის.
ევროპა ლიგის მატჩის მეორე ტაიმში ფრანგ ნახევარმცველს გოლის გატანა შეეძლო, მაგრამ როგორც ხშირად ხდება მიმდინარე სეზონში, მას ამჯერადაც კარის ჩარჩომ შეუშალა ხელი.
"გატანა მინდოდა, მაგრამ ხარიხას გავარტყი ბურთი, როგორც სხვა შანსების მსგავს შემთხვევაში ხდებოდა. რაღაც მომენტში გავიფიქრე, არ ვიცი, რა ხდება-მეთქი, მაგრამ რაღაც მართლა ხდება! ვფიქრობ, აქ გატარებული რვა თვის განმავლობაში უფრო მეტჯერ გავარტყი ბურთი ძელს, ვიდრე "იუვენტუსში" ყოფნის 4 წლის განმავლობაში. უცნაურია, მაგრამ მაინც ბედნიერი ვარ."
სამაგიეროდ, თავისი გოლები გაიტანა ზლატან იბრაჰიმოვიჩმა, რომელმაც შეხვედრაში ჰეთ-ტრიკი შეასრულა.
"ის დიდი მოთამაშეა. სხვა დიდი მოთამაშეებისგანაც ამას ვითხოვთ. როგორც ჩანს, "სენტ-ეტიენი" ძალიან უყვარს, რადგან ამ გუნდის წინააღმდეგ ბევრი გოლი გააქვს. იმედია, კვლავ გავიტანთ და იბრაც უკეთ იგრძნობს თავს. ჩვენ ისეთი იბრაჰიმოვიჩი გვიყვარს, დღე რომ ვნახეთ."
გამარჯვების გარდა ეს მატჩი პოგბასთვის იმითაც იყო გამორჩეული, რომ პოგბა თავის უფროს ძმას, ფლორენტის დაუპირისპირდა.
"ფლორენტინის წინააღმდეგ თამაში მაგიური მოვლენაა. ვერ ვიჯერებდი, რომ ვხედავდი. ვუთხარი: "მოდი, მომენტით ვისიამოვნოთ, ასეთი რამ ყოველდღე არ ხდება". მე ძალიან ვისიამოვნე.
კარგი შედეგია, რადგან მოგება გვინდოდა. გოლების გატანა გვინდოდა და ასევ მოხდა, ამიტომ მომდევნო მატჩი უფრო ადვილი იქნება, მაგრამ ჯერ არ გადაწყვეტილა მომდევნო ეტაპზე გამსვლელის ვინაობა."