მარუან ფელაინიმ აღნიშნა, რომ "მანჩესტერ იუნაიტედის" გულშემატკივრების მხრიდან უარყოფითმა დამოკიდებულებამ მას მხოლოდ მოტივაცია შესძინა.

დეკემბერში "ევერტონთან" მატჩში წესების დარღვევის გამო დანიშნული პენალტის შემდეგ ბელგიელმა ექსპერტებისა და ზოგიერთი გულშემატკივრების კრიტიკა დაიმსახურა.

ლეიტონ ბეინსმა 11-მეტრიანი ნიშნულიდან ანგარიში გაათანაბრა, რის შედეგადაც "იუნაიტედმა" მოირგი 2 ქულა დაკარგა პრემიერ ლიგაში.

თუმცა მოურინიოს სხვებისგან განსხვავებული დამოკიდებულება ჰქონდა და ფელაინის მხარდაჭერა გამოუცხადა, რის შემდეგაც მარუანმა მწვრთნელი ორი გოლით დააჯილდოვა.

"კარგი, შეცდომა დავუშვი. მე ყველაზე კარგად მესმის ეს. შეცდომა იყო. ასე მოხდა, რას ვიზამთ, მომდევნო მატჩი მოდის. "ევერტონთან" მატჩის შემდეგ გულშემატკივრები მისტვენდნენ, მაგრამ ამის შემდეგ აღარ.

ვიცი, რასაც ვაკეთებ. როცა შეცდომას ვუშვებ, ამას ვაცნობიერებ, როცა კარგად ვთამაშობ, ამასაც ვხვდები, როცა ცუდად ვთამაშობ, ესეც ვიცი. მე გულახდილი ვარ და არ მჭირდება სხვისგან შეხსენება. ჩემს ცხოვრებასა და კარიერაში ბევრი რამ გადამიტანია, ამიტომ ამ შეცდომაზე ფიქრს არ ვაპირებ. ეს ფეხბურთის ნაწილია.

კრიტიკოსები ყოველთვის არსებობენ, მაგრამ ხალხი, ვინც ლაპარაკობს, უკეთესად თამაშის, უფრო მეტი შრომის მოტივაციას გაძლევს, რათა საკუთარი შესაძლებლობები მწვრთნელსა და კლუბს აჩვენო", - განაცხადა ფელაინიმ.

წყარო: M.E.N.