"მანჩესტერ იუნაიტედის" მთავარი მწვრთნელი ჟოზე მოურინიო აცხადებს, რომ სეზონის დასაწყისში ჰენრიხ მხითარიანისთვის სათამაშო პრაქტიკის მიუცემლობით ფეხბურთელს უფრთხილდებოდა.

მხითარიანის პირველი თვეები ინგლისში საკმაოდ მძიმე გამოდგა, მაგრამ შემდეგ სომეხმა მოურინიოს გუნდში თავის დამკვიდრება მოახერხა.

კვირას "ლესტერთან" მატჩში სწორედ ჰენრიხმა გახსნა ანგარიში და გააკეთა საგოლე გადაცემა, რის შედეგადაც მატჩის საუკეთესო ფეხბურთელის ჯილდო მიიღო. მოურინიო ძალიან კმაყოფილი დარჩა მხითარიანის თამაშით, მიუხედავად იმისა, რომ პუბლიკის აზრით, პორტუგალიელი მას მანამდე არ იმჩნებდა.

"საკუთარი ფეხბურთელების დაცვის საუკეთესო საშუალება ხანდახან მათი უთამაშებლობაა. ვფიქრობ, თქვენი სავარძლიდან ყოველთვის ერთნაირ რამეს ხედავთ. თუ ფეხბურთელი არ თამაშობს, გგონიათ, რომ მწვრთნელი მასში განგაშს იწვევს, მაგრამ ასე არ არის.

ხანდახან ფეხბურთელებს იმიტომ არ ვიყენებთ, რომ მათ ვუფრთხილდებით და მიკი ერთ-ერთი ასეთი იყო. მას ვუფრთხილდებოდით. ამ დროის განმავლობაში ეჩვეოდა.

მე არა მარტო იმას ვხედავ, რასაც თქვენ. თქვენ მოედანზე მისი შესრულებით ჯადოსნურ რამეებს ხედავთ, მე კი სხვა რამეებსაც, რისი დანახვაც მინდა. მიკი მართლაც კარგად თამაშობს", - განაცხადა მოურინიომ.

წყარო: independent