მარკუს რეშფორდი აცხადებს, რომ მატჩებში შეცვლაზე შესვლის შედეგად თამაშის მიმდინარეობის შეცვლა და მოწინააღმდეგე მცველებისთვის თავისი სიმწვავით პრობლემების შექმნა სურს.

ახალგაზრდა თავდამსხმელმა მიმდინარე სეზონში "ჰალ სიტისთან" აგვისტოში გატანილი გამარჯვების გოლითა და "ვესტ ჰემთან" მიმდინარე თვეში გაკეთებული საგოლე გადაცემით უკვე დაამტკიცა, რომ "იუნაიტედის" შეტევას სიმწვავეს მატებს.

"იუნაიტედის" ყოფილი თავდამსხმელი ოლე გუნარ სოლსკიაერი ნამდვილად გამოირჩეოდა ასეთი უნარით. იგი ყოველთვის ცდილობდა მეტოქის სისუსტეების ამცონობას და მათით სარგებლობას. რეშფორდის თქმით, სათადარიგოთა სკამზე მოხვედრისას ისიც ყოველთვის ამაზე ფიქრობს.

"მნიშვნელოვანია ამის კეთების შესაძლებლობა. არ იცი, მწვრთნელი სად გათამაშებს, ამიტომ ნებისმიერი პოზიციიდან უნდა შეძლო. როგორც კი სათადარიგოთა სკამზე მოხვდები, მაშინვე მენტალურად უნდა მოემზადო ამისთვის.

ამიტომაც, როცა სკამზე მოხვდები, მხოლოდ ამაზე ფიქრობ, მაგრამ ბუნებრივი მახასიათებელია ფეხბურთელისთვის, რომ იმაზე იფიქროს, თუ რა შეუძლია მოედანზე გასვლის შემთხვევაში. იმაზეც უნდა იფიქრო, თუ ვის უპირისპირდები", - განაცხადა ახალგაზრდა თავდამსხმელმა.

ჟოზე მოურინიომ არაერთხელ აღნიშნა მიმდინარე სეზონში, თუ რამდენად სასარგებლოა რეშფორდის სისწრაფე, როცა მეტოქის ფეხბურთელები იღლებიან. 19 წლის ფეხბურთელს კი მიაჩნია, რომ უკეთესი გახდება.

"მხოლოდ იმაზეა დამოკიდებული, რომ ასე განაგრძო და 90 წუთის განმავლობაში ერთი და იგივე მოძრაობები იმეორო. ვფიქრობ, დროსთან ერთად ყველაფერი მოვა, მაგრამ ნაბიჯ-ნაბიჯ უნდა მივიღო. ხანდახან მიდგომას დროს სჭირდება, რომ იდეალურამდე ავიდეს, მაგრამ ყველაფერი კარგად იქნება.

დამოკიდებულია იმაზეც, რომ ცალკე გაიტყუო თითოეული ფეხბურთელი და მეტოქე, რადგანაც იცი, რომ ერთი ერთზე ნებისმიერს მოატყუებ. ჩემთვის ეს კარგი მდგომარეობაა".

წყარო: manutd.com