ჟოზე მოურინიომ "იუნაიტედის" ოფიციალურ ტელევიზიას განუცხადა, რომ მოხარულია "უემბლიზე" დაბრუნებით, სადაც მისი გუნდი "საუთჰემპტონს" ლიგის თასის ფინალში დაუპირისპირდება.

"წითლები" ფინალში "ჰალ სიტისთან" ორმატჩიან დუელში გამარჯვების შედეგად გავიდნენ.

მიუხედავად იმისა, რომ 17-მატჩიანი წაუგებელი სერია "ვეფხვების" წინააღმდეგ დასრულდა, ეს სრულიად საკმარისი აღმოჩნდა იმისათვის, რომ 1876 წლის ინგლისის თასის ფინალი გამეორდეს.

ემოციები

"ბედნიერი ვარ. "უემბლიზე" მივდივართ. კენჭისყრის შედეგები ჩვენთვის რთული იყო, რთული მეტოქეები გვერგო, მაგრამ მაინც მოვახერხეთ. იქ ვართ. პრემიერ ლიგის სამი გუნდი დავამარცხეთ, რაც ადვილი არ არის. თამაში ისე დავიწყეთ, რომ შედეგი უკვე განაღდებული გვქონდა, სრულად ვაკონტროლებდით, მაგრამ მერე რაღაც მოხდა და თამაში გაიხსნა, რასთან გამკლავებაც მოგვიხდა. ეს შევძელით."

ლიგის თასის მნიშვნელობა

"ჩემთვის ყველა ტურნირი მნიშვნელოვანია. ყველა მატჩი მნიშვნელოვანია. მნიშვნელობა არ აქვს, რომელი ტურნირი იქნება, მაგრამ "უემბლი" "უემბლია". ფეხბურთისადმი შეყვარებული პროფესიონალებისთვის "უემბლის" განსაკუთრებული მნიშვნელობა და განცდა აქვს. რა თქმა უნდა, ბედნიერი ვარ იქ მოხვედრით და ჩვენი ათასობით გულშემატკივრის წაყვანით. ასევე ვფიქრობ, რომ "უემბლიზე" წასვლას არც ისინი დაივიწყებენ ოდესმე."

საუკეთესო მხარდაჭერა გასვლაზე

"საუკეთესოები იყვნენ. დაუჯერებელი! არ ვიცი, ეს სიცივის დამსახურება იყო, ვნების თუ ორივესი, მაგრამ აბსოლუტურად საოცრები იყვნენ. ამ ბრწყინვალე მხარდაჭერის აღსაწერად სიტყვები არ მყოფნის."

მორიგი სათასო მატჩი შაბათს

"უიგანთან" მორიგი რთული მატჩი გვექნება. მათ არ უთამაშიათ, დაღლილები არ არიან, მოემზადებიან და უორენ ჯოისი და მისი ფეხბურთელები განსაკუთრებული მოტივაციით გამოვლენ. ახლა სახლში მივდივართ, რასაც სამი საათი დასჭირდება და კვლავ მოვემზადებით. ზოგიერთ ფეხბურთელს შევცვლით და ვიღაც შანსს მიიღებს, გუნდს დასვენებული ფეხები სჭირდება, იმედი მაქვს, ამას შევძლებთ."

წყარო: manutd.com