ჟოზე მოურინიომ განაცხადა, რომ სერ ალექს ფერგიუსონი მცირე გავლენას ახდენს "მანჩესტერ იუნაიტედში" მის მუშაობაზე, მაგრამ კლუბის ყოფილი მწვრთნელის მხარდაჭერას ყოველთვის გრძნობს.

ფერგიუსონმა, კლუბის ელჩმა და დირექტორმა, "იუნაიტედში" მოურინიოს ღვაწლი შექებით მოიხსენია და განაცხადა, რომ გუნდი მოურინიოს სტილის ანარეკლია.

"ჰალ სიტისთან" მატჩის წინა პრესკონფერენციაზე მოურინიოს ჰკითხეს, ახდენდა თუ არა ფერგიუსონი მის მუშაობაზე გავლენას, რაზეც პორტუგალიელმა უპასუხა: "ცოტათი, ცოტათი, სიმართლე გითხრათ.

მხარდაჭერა, რომელსაც ვგრძნობ ის მხარდაჭერაა, რომელსაც ყოველთვის ვგრძნობდი, როცა მისი პირდაპირი კონკურენტი არ ვიყავი.

ასეთი მხარდაჭერა მისგან ყოველთვის მქონდა. ამასვე ვგრძნობდი, როცა იტალიაში ან ესპანეთში ვიყავი. მეგობრები ერთმანეთს მარტივი SMS-ით უსურვებენ წარმატებას და გამოუხატავენ მხარდაჭერას - გარკვეულ მომენტებში ეს ბევრს ნიშნავს.

პატივსაც მცემს, ირგვლივ ყოფნა არ უნდა, ხშირად არ მოდის.

ვფიქრობ, სრულიად თავისუფლად გრძნობს თავს, რადგან ვუთხარი, რომ ყოველთვის და მუდამ აქ მისი სახლი იქნებოდა, მაგრამ რამდენიმეჯერ ჩვენთან ერთად ავტობუსითა თუ მატარებლით იმგზავრა. ერთხელ გვეწვია.

ვიცით, რომ ეს მისი კლუბი და ცხოვრებაა. ჩემს შესახებ მის მიერ ნათქვამ სიტყვებს ვაფასებ, მაგრამ კომენტარის გაკეთება საჭირო არ არის.

კლუბში მნიშვნელოვანი პიროვნებაა და ბევრს ნიშნავს, მაგრამ კომენტარის გაკეთება არ მინდა, რადგან უარყოფით სიტყვებიც რომ ეთქვა, ზედმეტად დიდ პატივს ვცემ".

წყარო: goal.com