მარკუს რეშფორდი "იუნაიტედთან" ახალ შეთანხმებას გააფორმებს.
მარკუს რეშფორდი "მანჩესტერ იუნაიტედისგან" ახალ კონტრაქტს მიიღებს, რომელიც მის ხელფასს კიდევ უფრო გაზრდის.
19 წლის ინგლისელი თავდამსხმელი მოქმედი კონტრაქტის მიხედვით, რომელიც გასული წლის ზაფხულში გააფორმა და 4 წელზეა გათვლილი, კვირაში 20 ათას ფუნტს იღებს.
SunSport-ი კი ამტკიცებს, რომ მისი ხელფასი ყოველწლიურად 5 ათასი ფუნტით გაიზრდება.
"იუნაიტედის" ხელმძღვანელობამ კონტრაქტში ასევე შეიტანა პუნქტი, რომლის საშუალებითაც შეთანხმების კიდევ 12 თვით გახანგრძლივების საშუალება ექნებათ, რაც ნიშნავს, რომ მარკუსი "ოლდ ტრაფორდზე" მინიმუმ 2021 წლამდე დარჩება.
მოურინიომ მიმდინარე სეზონში რეშფორდი გააკრიტიკა და აღნიშნა, რომ ფეხბურთელმა კონცენტრაცია დაკარგა, როგორც კი დიდ ფულთან ჰქონდა საქმე.
მაგრამ ვარჯიშებისა და ბოლო მატჩებისადმი მისმა მიდგომამ პორტუგალიელს აზრი შეუცვალა.
"ოლდ ტრაფორდთან" დაკავშირებული წყარო აცხადებს:
"რეშფორდის ხელფასი მომდევნო სეზონში კიდევ უფრო გაიზრდება. შეთანხმების ნაწილი იყო ხელფასის ზრდა დროსთან ერთად, ასევე კიდევ ერთი წლით გახანგრძლივება.
გვინდა, რომ ბიჭმა ღრუბლებში ფრენა არ დაიწყოს, ჯერ კიდევ ახალგაზრდაა. მისი ხელფასი ძალიან სწრაფად იზრდება.
წლიური 5 ათასი დანამატი გარანტირებულია. ძალიან ნიჭიერი ფეხბურთელია და გვინდა დავრწმუნდეთ, რომ კარგად იქნება".წყარო:
thesun