"მანჩესტერ იუნაიტედის" ნახევარმცველი ეშლი იანგი ჩინეთიდან და პრემიერ ლიგიდან მიღებულ შეთავაზებებს განიხილავს.

ცნობილია, რომ ჩინეთის სუპერ ლიგის კლუბი, "შენდონგ ლიუნენგი" 31 წლის ფეხბურთელით ინტერესდება, მაგრამ მის გადაბირებას არ ჩქარობს, რადგან ჩინური სატრანსფერო ფანჯარა კიდევ ერთი თვე არ იხურება.

იანგს "იუნაიტედის" სასტარტო შემადგენლობაში ორ თვეზე მეტი ხანია არ ჩაუტარებია მატჩი და კლუბის დატოვებას აპირებს, თუმცა ჩინეთში გადასვლის გარდა, მას პრემიერ ლიგაში დარჩენის პერსპექტივაც აქვს.

თუ "იუნაიტედი" ინგლისელ ფეხბურთელს განშორდება, მას მხოლოდ გაყიდის, მაგრამ იჯარით არ გაანათხოვრებს.

"შენდოგნს" "ფულჰემის" ყოფილი მწვრთნელი, ფელიქს მაგათი წვრთნის და გუნდის რიგებში გრაციანო პელეც ირიცხება. გრაციანოს შეტევაში პარტნიორობას "ნიუკასლის" ყოფილი ფორვარდი, პაპის სისე უწევს.

"ასტონ ვილადან" 5-ნახევარი წლის წინ "ოლდ ტრაფორდზე" გადასვლის შემდეგ იანგმა 151 მატჩი ჩაატარა "იუნაიტედის" რიგებში და 14 გოლი გაიტანა.

ჟოზე მოურინიოს ხელმძღვანელობით კი მან მხოლოდ 10 შეხვედრაში მიიღო მონაწილეობა.

იანგს "იუნაიტედთან" კონტრაქტის მიხედვით წელიწად-ნახევარი აკავშირებს, თუმცა "წითლებს" ვადის კიდევ 12 თვით გახანგრძლივების პერსპექტივაც აქვთ.

წყარო: skysports.com