პოლ პოგბა ანტუან გრიზმანისადმი თავის ახლო დამოკიდებულებას ავლენს.
პოლ პოგბამ "მანჩესტერ იუნაიტედის" სატრანსფერო სამიზნეს, ანტუან გრიზმანს ძმა უწოდა.
გასულ კვირაში ინგლისურმა გამოცემებმა ინფორმაცია გაავრცელეს, რომ "იუნაიტედმა" და გრიზმანმა შეთანხმებას უკვე მიაღწიეს და "წითლები" მის კლუბს 100 მლნ. ევროს გადაუხდიან.
"ატლეტიკოს" პრეზიდენტი ენრიკე სერესო ამ ინტერესს გამოეხმაურა და განაცხადა, რომ ფორვარდთან განშორებას არ ელის და მის დიდი ხნით შენარჩუნებას გეგმავს.
თუმცა, დიეგო სიმეონე, მადრიდული კლუბის მთავარი მწვრთნელი, ანტუანის იძულებით შენარჩუნებას სულაც არ აპირებს.
პრესის მიერ "იუნაიტედისთვის" მინიჭებულ უპირატესობაში გრიზმანისა და პოგბას ურთიერთობაც ითვლება, რასაც ფრანგი ნახევარმცველი ადასტურებს.
"როცა გრიზუსთან ერთად ვარ, ყოველთვის კარგ დროს ვატარებთ. ჩემი ძმაა, ყოველთვის ერთად ვართ.
როცა მოედანს მიღმა ერთმანეთს კარგად უგებ, ადვილია, მოედანზეც კარგად გაუგო და საფრანგეთის გუნდში სწორედ ასე ხდება", - განაცხადა პოგბამ.
პოგბას ჯერ კიდევ უჭირს "იუნაიტედში" თავისი შესაძლებლობების გამოვლენა და მისი მორიგი წარუმატებელი შეხვედრა გუშინ "სტოკ სიტისთან" შედგა.
თუმცა, 23 წლის ფეხბურთელი დარწმუნებულია, რომ ჟოზე მოურინიოს ხელმძღვანელობით პროგრესირებას შეძლებს.
"გუნდთან შეგუებას ცოტა დრო სჭირდება. ახლა უკეთ ვგრძნობთ თავს, შედეგები გვაქვს და მწვერვალს სულ უფრო ვუახლოდებით".როცა მისი მიზნების შესახებ ჰკითხეს, პოლმა უპასუხა:
"პრემიერ ლიგის მოგება, რაც შეიძლება მეტი ტიტულის აღება და საფრანგეთის ნაკრებში კარგად გამოსვლა: მომდევნო წელს, მსოფლიო ჩემპიონობა!"
წყარო:
goal.com