უეინ რუნი "მანჩესტერ იუნაიტედის" ყველა დროის საუკეთესო ბომბარდირი გახდა, როცა "სტოკ სიტის" კარში.

გთავაზობთ ინფოგრაფიკას, რომელიც კაპიტნის მიღწევას დეტალებში აღწერს:

უეინ რუნის "იუნაიტედის" მაისურით სულ 546 მატჩი აქვს ჩატარებული და მათში 250 გოლის გატანა მოახერხა. ინგლისელს სულ 189 მატჩში აქვს თავი გამოჩენილი და მისგან 58 სხვადასხვა გუნდი უშვებდა გოლს.



რუნის თავის კარიერაში 49 გოლი აქვს გატანილი მეკარის საჯარიმოდან, მეტოქის საჯარიმოდან 165, ხოლო საჯარიმოს გარედან 36.



კაპიტანმა 30-ჯერ მოახერხა თავური გოლის გატანა, 27-ჯერ მარცხენა ფეხით გამოიჩინა თავი, 193-ჯერ კი მარჯვენა ფეხით.

მისი გოლებიდან 155 დარტყმის შედეგად გავიდა, პენალტიდან სულ 26 გოლი აქვს გატანილი, საჯარიმო დარტყმიდან 7, ბურთის დაუმუშავებლად 18-ჯერ მოახერხა მეტოქის კარის დალაშქრვა, 8-ჯერ მეკარეს გადაუგდო ბურთი თავზე, გათამაშებული ჯარიმიდან მან 2-ჯერ შეარხია მეტოქის კარის ბადე, "მაკრატელა" დარტყმითაც ასევე ორჯერ, თითოჯერ კი ქუსლითა და რიკოშეტით გაიტანა.



რუნის ყველაზე მეტი გოლი "ასტონ ვილას" კარში აქვს გატანილი (14). რაც შეეხება კონკრეტული მწვრთნელების გუნდების წინააღმდეგ გატანილ გოლებს, აქ არსენ ვენგერი ლიდერობს რუნისგან გაშვებული 12 გოლით. ამდენივე გოლი აქვს მას გატანილი მარკ შვარცერის კარში, რაც მეკარეებს შორის ყველაზე ცუდი შედეგია. გასვლაზე რუნის ყველაზე მეტი გოლი "სენტ-ჯეიმს პარკზე" აქვს გატანილი (8).

აქვე უნდა აღინიშნოს, რომ რუნი ყველაზე ხშირად რაიან გიგზის საგოლე გადაცემით სარგებლობდა - მას 18 გოლი აქვს გატანილი უელსელის პასით.



"იუნაიტედის" კაპიტანმა "ოლდ ტრაფორდზე" სულ 134-ჯერ მოახერხა მეტოქის კარის აღება, სტუმრად 106-ჯერ, 10 გოლი კი ნეიტრალურ სტადიონზე აქვს გატანილი.