"მანჩესტერ იუნაიტედის" მთავარმა მწვრთნელმა, ჟოზე მოურინიომ ახსნა, თუ რატომ ვერ მოხვდნენ "სტოკ სიტისთან" მატჩის განაცხადში მარკოს როხო და ენტონი მარსიალი.

პრემიერ ლიგის 22-ე ტურის მატჩში "წითელი ეშმაკები" მარკ ჰიუზის გუნდს დაუპირისპირდნენ და შეხვედრის უკანასკნელ წუთზე უეინ რუნის მიერ გატანილი სარეკორდო გოლით ერთი ქულის აღება მოახერხეს.

მარცხენა ფლანგზე მოქმედი ენტონი მარსიალის ნაცვლად აღნიშნულ შეხვედრაში ჰენრიხ მხითარიანი ასპარეზობდა, რომლის ადგილი, თავის მხრივ, ავტოგოლის ავტორმა ხუან მატამ დაიკავა.

დაცვის ხაზში კი "იუნაიტედს" სმოლინგი-ჯონსის წყვილი ჰყავდა, რომელთაგან პირველმა მარკოს როხო შეცვალა.

ფრედ დასრულებული მატჩის შემდეგ მოურინიომ აღნიშნა, თუ რატომ არ მოხვდნენ მარსიალი და როხო მატჩის განაცხადში.

როცა ჰკითხეს, არგენტინელი მცველის არყოფნის მიზეზი ავადმყოფობა ხომ არ იყო, ჟოზემ უპასუხა: "დიახ, თავს ცუდად გრძნობდა. მარსიალი კი უბრალოდ განაცხადში ვერ მოხვდა."

თუმცა, მარკოსი "სტოკ სიტის" სტადიონზე მაინც ჩავიდა, სადაც ტრიბუნიდან გულშემატკივრებთან ერთად მიადევნა მატჩს თვალი:



წყარო: M.E.N.