რუდ გულიტს მიაჩნია, რომ თუ პოლ პოგბა ფეხბურთს უფრო მეტ დროს არ დაუთმობს, ვიდრე ვარცხნილობას და სოციალურ ქსელს, მემფის დეპაის გზას გაიმეორებს.
დეპაი "ოლდ ტრაფორდზე" "პსვ ეინდჰოვენიდან" 2015 წელს გადავიდა, მაგრამ "იუნაიტედში" საკუთარი შესაძლებლობების წარმოჩენა ვერ შეძლო და "ლიონში" აგრძელებს კარიერას.
პოგბა კი "წითლებს" მიმდინარე სეზონში "იუვენტუსიდან" მსოფლიო სარეკორდო თანხად დაუბრუნდა და თავისი თამაშის გამო არაერთხელ გახდა კრიტიკოსთა სამიზნე.
ნახევარმცველის ცუდი თამაში მის ახალ ვარცხილობას და "თვითერზე" სპეციალურად მისთვის შექმნილ emoji-ს დაემთხვა.
"პოლ პოგბა იმავე გზას გადის, რაც მემფის დეპაიმ "იუნაიტედში" განვლო. შესაძლოა, მსოფლიოში ყველაზე ძვირადღირებული ფეხბურთელი იყოს, მაგრამ ეს არაფერს ნიშნავს, თუ ვარცხნილობის ფერს, ტანსაცმელს და სოციალურ ქსელს უფრო მეტ დროს დაუთმობს.
პოლმა მემფისს უნდა ჰკითხოს და გააცნობიერებს, რომ ინგლისში წარმატების მიღწევა და უმაღლეს დონეზე ასვლა მხოლოდ მაშინაა შესაძლებელი, როცა ყოველკვირეულად კარგად თამაშობ და კარიერაში ყველაფერს აღწევ.
მემფისს იმის გამო აკრტიკებდნენ, რომ თავის იმიჯზე უფრო ზრუნავდა, ვიდრე ფეხბურთის თამაშზე. მას უნდა სცოდნობა, რომ მოედანზე გაწეული სამსახური ყველაფერზე წინ დგას", - განაცხადა გულიტმა.
რუდს ასევე მიაჩნია, რომ "ოლდ ტრაფორდი" მალევე შეიცვლის პოგბასადმი დამოკიდებულებას, თუკი მოედანზე ნაჩვენები თამაშით კლუბის მოთხოვნილებებს არ დააკმაყოფილებს. "პოგბაც დაიმსახურებს გულშემატკივართა წყრომას. ხალხი მას დაუსტვენს და მის საწინააღმდეგოდ წავა.
დიდი საფეხბურთო ვარსკვლავებისთვისაც კი არსებობს ერთი წესი: შენი კლუბისთვის კარგად თამაში უპირველესია, სხვა რამეს არ უნდა მისცე გონების განკარგვის საშუალება. ეს ჩემი რჩევაა."