"მანჩესტერ იუნაიტედის" მთავარ მწვრთნელ ჟოზე მოურინიოს არ სჯერა, რომ ეშლი იანგი ჩინეთის სუპერ ლიგაში გადასვლის სურვილს გამოთქვამს.
პრესაში გავრცელებული ინფორმაციის თანახმად, "შანდონგ ლიუნენგი" 31 წლის ფეხბურთელს, რომლის ბოლო მატჩი პრემიერ ლიგაში "სუონსის" წინააღმდეგ 6 ნოემბერს შედგა, 16 მილიონ ფუნტიან შეთავაზებას უმზადებს ყოვეწლიურად, სამი წლის განმავლობაში.
მაგრამ მოურინიომ ამის შესახებ მხოლოდ მედიასაშუალებებით გაიგო და თავად ფეხბურთელს მისთვის არაფერი უთქვამს, რის საფუძველზეც ამტკიცებს, ჭორები სიმართლეს არ შეესაბამება.
"არაფერი ვიცი, რადგან პირველად ამის შესახებ მხოლოდ პრესის საშუალებით გავიგე. ასე რომ, ამას მანამდე არ შევაფასებ, სანამ ეშლი იანგი არ მოვა ჩემთან და მეტყვის - რაც არ გაუკეთებია.
მორგანის ან მემფისის წასვლაზეც კი არ ვფიქრობდი, მაგრამ ნება იმიტომ მივეცით, რომ შესაბამისი წინადადება მივიღეთ. "ევერტონმა" და "ლიონმა" ფეხბურთელებისთვის ბოლომდე იბრძოლეს, ამ ფეხბურთელებმა კი, რომლებიც აქ ბოლომდე ბედნიერები არ არიან, ეს დაიმსახურეს. ჰუმანურობა არ იქნებოდა მათი შეჩერება.
მხოლოდ ცუდი ან საერთოდ მიუღებელი შეთავაზებით შეიძლება მათი შეჩერება, მაგრამ, როცა შემოთავაზება შესაბამისია, ამას ვიღებთ. სხვა რომელიმე ფეხბურთელიც თუ არ არის ბედნეირი, არც მას შევაჩერებ".