მემფის დეპაი აცხადებს, რომ "მანჩესტერ იუნაიტედის" მიმართ არავითარი ნეგატიური დამოკიდებულება არ აქვს.
ჰოლანდიელი ფეხბურთელი კარიერას "ლიონში" გააგრძელებს, სადაც "იუნაიტედში" გატარებული 18 თვის შემდეგ გადავიდა.
2015 წელს პსვ-დან შეძენილ ფეხბურთელში "წითლები" ბონუსების თანხის დამატების შემდეგ 25 მლნ. ფუნტამდე აიღებენ.
"მანჩესტერ იუნაიტედზე" შურისძიებას ან რამე მსგავსსს არ ვაპირებ. მხოლოდ იმის ჩვენება მინდა, რაც შემიძლია, ზუსტად ისე, როგორც აქამდე.
"იუნაიტედში" ისეთ დიდ ფეხბურთელებთან ერთად ვითამაშე, როგორებიც უეინ რუნი, ზლატან იბრაჰიმოვიჩი და პოლ პოგბა არიან. მათგან ბევრი რამ ვისწავლე და ყველაფერი ჩავიბეჭდე. ვისწავლე, რომ ახალ კლუბთან, ახალ სათამაშო სტილთან და ახალ ჩემპიონატთან შეგუება აუცილებელია. ახლა კიდევ ერთხელ უნდა დავამტკიცო საკუთარი უნარები.
"ლიონს" გაცილებით სრულყოფილი პროექტი ჰქონდა, ვიდრე სხვა კლუბები მთავაზობდნენ. ვიგრძენი, რომ აქ მოსვლით სწორი ნაბიჯი გადავდგი. ყველა ჩემპიონატს ვუყურებ და ვიცი, რომ "ლიონი" დიდი კლუბია, რომელმაც ბევრი ტიტული მოიგო.
ვიცი, რომ კვირას "მარსელთან" მნიშვნელოვანი მატჩია. იმედი მაქვს, გარკვეულ მონაწილეობას მივიღებ, თუნდაც მატჩის რიტმი მჭირდებოდეს. გოლების გატანა, საკუთარი თავით სიამოვნება და ამ საოცარ სტადიონზე თამაში მინდა", - განაცხადა დეპაიმ.