11 წლის შემდეგ "მანჩესტერ იუნაიტედი" ყველაზე მაღალ შემოსავლიან კლუბთა სიას სათავეში ჩაუდგა, გამოიმუშავა რა, 515.3 მილიონი ფუნტი 2015/16 წლების სეზონში.

12 თვეში 20 მილიონ ფუნტზე მეტით გაზრდილი შემოსავლით "წითელმა ეშმაკებმა" Deloitte Football Money League-ს სიაში ერთბაშად ორი ნაბიჯით ზევით აიწიეს და ესპანური გრანდები, "ბარსელონა" და "რეალი" უკან მოიტოვეს.

სიაში მომდევნო ინგლისური კლუბი "მანჩესტერ სიტია", რომელმაც ერთ წელიწადში მეხუთე ადგილზე აიწია და საკუთარი შემოსავალი 392.6 მლნ. ფუნტამდე გაზარდა.

საუკეთესო ათეულში შევიდნენ "არსენალი" (350.4 მლნ. ფუნტი), "ჩელსი" (334.6 მლნ. ფუნტი) და "ლივერპული" (302 მლნ. ფუნტი). მეორე ათეულში მოხვდნენ "ტოტენჰემი" (209.2 მლნ. ფუნტი), "ვესტ ჰემი" (143.8 მლნ. ფუნტი) და "ლესტერ სიტი" (172.1 მლნ. ფუნტი).

შესამოსავლებში ანალიტიკოსები ითვლიან ჩატარებულ მატჩებში აღებულ თანხას, სატელევიზიო და კომერციულ საქმიანობას. კლუბების სატრასფერო საქმიანობა მოცემულ კვლევაში არ შესულა.

ასევე უნდა აღინიშნოს, რომ "იუნაიტედის" ლიდერობა დროებითი შეიძლება გამოდგეს Brexit-ისა და ჩემპიონთა ლიგაზე არყოფნის გამო.

"მანჩესტერ იუნაიტედს" 11-წლიანი ლოდინი დასჭირდა იმისათვის, რომ მსოფლიოს წამყვანი კლუბის სტატუსი დაებრუნებინა გენერირებული შემოსავლების მხრივ და ამას კლუბმა კომერციული შემოსავლების ფენომენალური ზრდადობით მიაღწია.