"მანჩესტერ იუნაიტედის" საიტი მსოფლიოში ყველაზე პოპულარულია.
"მანჩესტერ იუნაიტედის" ოფიციალური
ვებ-გვერდი მსოფლიოში ყველაზე სტუმრებადი საიტია საკლუბო ვებ-გვერდებს შორის.
გასულ თვეში "იუნაიტედის" საიტს ყოველთვიურად თითქმის 8.5 მილიონი მომხმარებელი სტუმრობდა, "არსენალი" მეორე ადგილზე იმყოფება ამ მაჩვენებლით, "ლივერპული" კი მესამეზე და ორივე მათგანს 8 მილიონზე ნაკლები ვიზიტორი ჰყავდა - იტყობინება UEFA-ს საკლუბო ბენჩმარკეტინგული სამსახური.
პრემიერ ლიგის სამი გიგანტი აჭარბებს ესპანურ კლუბებს, მადრიდის "რეალსა" და "ბარსელონას", რომელთაც თვიურად 7 მილიონზე ოდნავ მეტი და 6 მილიონზე ოდნავ მეტი ვიზიტორი ჰყავთ შესაბამისად.
ეს ხუთი კლუბი მსოფლიოში ყველაზე დიდი პოპულარულობით სარგებლობს, თურქული კლუბი "ფენერბაჰჩე" კი ამ მაჩვენებლით მეექვსე ადგილზე იმყოფება.
"ჩელსი" საუკეთესო ექვსეულში შემავალი პრემიერ ლიგის მეოთხე გუნდია და მას თვეში სამ მილიონზე მეტი ვიზიტორი ჰყავს.
დორტმუნდის "ბორუსია" და მიუნხენის "ბაიერნი" "დინამო კიევს" ჩამორჩებიან და ათეულს ხურავენ.
ევროპის უდიდესი კლუბები ვიზიტორთა რაოდენობით დომინირებენ, მაგრამ ეგვიპტური "ალ აჰლი" ამ მაჩვენებლით მე-11 ადგილზე იმყოფება და პსჟ-ს სჯობნის, რომელთაც თვეში დაახლოებით 3 მილიონი ვიზიტორი ჰყავდათ.
მე-16 ადგილზე მყოფი "საო პაულო" კიდევ ერთი არაევროპული კლუბია, რომელიც ოცეულში მოხვდა.
პრემიერ ლიგის დომინირება ათეულს მიღმა "ლესტერით", "ტოტენჰემითა" და "მანჩესტერ სიტით" გრძელდება, რომლებიც ასევე ოცეულის წევრები არიან.
პრემიერ ლიგის გულშემატკივართა ინტერნეტ-აქტიურობის შესახებ გავრცელებული ტრენდი მართალი აღმოჩნდა. გერმანულ, ფრანგულ, ესპანურ და თურქულ კლუბებსაც მრავლად ჰყავთ გულშემატკივარი, მაგრამ ორ გუნდზე მეტით არცერთი ქვეყანა არაა წარმოდგენილი.
თუმცა, ინგლისური კლუბებიდან მხოლოდ "ჩელსისა" და "ლივერპულის" საიტები იქცევდა ვიზიტორთა ყურადღებას საშუალოდ სამ წუთზე მეტ ხანს, ხოლო "არსენალის" საიტის ვიზიტორები საშუალოდ ორ წუთსაც კი არ ჩერდებოდნენ ვებ-გვერდზე.
"დინამო კიევის" გულშემატკივრები საოცარ კონცენტრაციას ავლენდნენ, რამეთუ თითოეული ვიზიტორი საშუალოდ ექვსი წუთი ჩერდებოდა საიტზე.
წყარო:
dailymail