"მანჩესტერ იუნაიტედის" ნახევარმცველი ხუან მატა კმაყოფილია გუნდის მიერ "ჰალ სიტისთან" მატჩში მიღწეული შედეგით, მაგრამ არ თვლის, რომ გუნდმა 2-ბურთიანი უპირატესობით უკვე მოიპოვა ფინალის საგზური.

"წითელმა ეშმაკებმა" ინგლისის ლიგის თასის პირველ მეოთხედფინალურ მატჩში "ვეფხვებს" უმასპინძლეს და მეტოქეს 2 უპასუხო ბურთი გაუტანეს.

შეხვედრაში ანგარიში ხუან მატამ გახსნა, რომელმაც ჰენრიხ მხითარიანის გადაცემით ისარგებლა, მატჩის მიწურულს კი მარუან ფელაინიმ ანგარიში ორამდე გაზარდა.

შედეგად, "იუნაიტედმა" ყველა ტურნირზე ჩატარებულ ბოლო 9 თამაშში 9 გამარჯვება მოიპოვა და სერიის გაგრძელებას კვირას პრემიერ ლიგის ეგიდით "ლივერპულთან" დაპირისპირებისას ეცდება.

ხუან, 2-0 გამარჯვება, ბედნიერი ხართ?

დიახ, ვფიქრობ, კარგი შედეგია. კარგია, რომ გოლი არ გავუშვით, რადგან ასეთი სახის ტურნირებზე გასვლაზე გატანილ გოლს დიდი მნიშვნელობა ენიჭება, მაგრამ არ გაგვიშვია და ორჯერ გავიტანეთ. ვფიქრობ, მარუანის გოლიც მნიშვნელოვანი იყო, ასე რომ, ახლოს ვართ, მაგრამ ჯერ ფინალში არ გავსულვართ.

კარგად თამაშობდით და ბევრ მომენტს ქმნიდით, მაგრამ მომენტებს ვერ იყენებდით

დიახ, რამდენიმე მატჩის მსგავსად ხდებოდა ისე, რომ კარგად ვთამაშობდით, მომენტებს ვქმნიდით, მაგრამ გოლი ვერ გაგვქონდა, მაგრამ მეორე ტაიმში ორჯერ გავიტანეთ, რაც კარგი შედეგია და ჩემთვის ძალიან მნიშვნელოვანია მომენტების შექმნა და კარგი ფეხბურთის თამაში, რადგან ასეთი თამაშით უფრო ახლოს ხარ გამარჯვებასთან.